कोल्हापूर : करवीर निवासिनी श्रीअंबाबाईच्या दक्षिणायन किरणोत्सवात सोमवारी मावळतीच्या सूर्यकिरणांनी देवीला सूर्यस्नान घडवले. सायंकाळी ५ वाजून ४६ मिनिटांनी सूर्यकिरणे अंबाबाई मूर्तीच्या मुखकमलावर आली एक मिनीटभर चेहऱ्यावर स्थिरावून किरिटावर जाऊन लुप्त झाली. अशारीतीने या वर्षीचा अंबाबाईचा किरणोत्सव पूर्णक्षमतेने झाला.अंबाबाईच्या किरणोत्सवाला शनिवारपासून सुरुवात झाली. पहिल्या दिवशी किरणे खांद्यापर्यंत दुसऱ्या दिवशी कानापर्यंत आली होती. तिसऱ्या दिवशी सोमवारी किरणे मूर्तीच्या चेहऱ्यावर आली, अगदी किरिटापर्यंत लुप्त झाली. पूर्ण क्षमतेने होत असलेला किरणोत्सवाचा सोहळा भाविकांनी याची देही याची डोळा अनुभवला. देवीची आरती होताच, भाविकांनी अंबा माता की जयचा गजर केला.अडथळे असूनही पूर्णक्षमतेने...गेल्या काही वर्षांत अडथळे असूनही अंबाबाईचा किरणोत्सव पूर्णक्षमतेने होत आहे. किरणोत्सव आला की काही तात्पुरते अडथळे काढले जातात. मागील वर्षीही नोव्हेंबरमध्ये असाच सोहळा अगदी १४ तारखेपर्यंत झाला होता. साेमवारीही किरणांची तीव्रता प्रखर होती.
- महाद्वार : ५ वाजून ९ मिनिटे
- गरुड मंडप : ५ वाजून १२ मिनिटे
- कासव चौक : ५ वाजून २८ मिनिटे
- पितळी उंबरा : ५ वाजून ३२ मिनिटे
- चांदीचा उंबरठा : ५ वाजून ३५ मिनिटे
- संगमरवरी पायरी : ५ वाजून ३७ मिनिटे
- संगमरवरी ३री पायरी : ५ वाजून ३८ मिनिटे
- चरणस्पर्श : ५ वाजून ४१ मिनिटे
- गुडघ्यापर्यंत : ५ वाजून ४२ मिनिटे
- कमरेपर्यंत : ५ वाजून ४३ मिनिटे
- खांद्यापर्यंत : ५ वाजून ४५ मिनिटे
- चेहऱ्यावर : ५ वाजून ४६ मिनिटे
- किरिटापर्यंत ५ वाजून ४८ मिनिटे
Web Summary : Kolhapur witnessed a complete Kirnotsav at Ambabai Temple. Sun rays touched the idol's face and crown. Devotees rejoiced as the divine spectacle unfolded, chanting 'Amba Mata ki Jai'.
Web Summary : कोल्हापुर में अंबाबाई मंदिर में पूर्ण किरणोत्सव हुआ। सूर्य की किरणें मूर्ति के चेहरे और मुकुट को स्पर्श करती हैं। भक्तों ने 'अंबा माता की जय' का जाप करते हुए दिव्य दृश्य का आनंद लिया।