जळगाव : न्यायालयीन कर्मचारी भरती प्रक्रियेंतर्गत घेण्यात आलेल्या लेखी परीक्षेदरम्यान जळगावातील एका केंद्रावर नितीन भोजराज राठोड या परीक्षार्थ्याकडे मोबाईल आढळला. त्याला जिल्हा पेठ पोलिसांनी ताब्यात घेतले आहे.
मुंबई उच्च न्यायालयाच्यावतीने रविवारी (२६ एप्रिल) राज्यभरात लिपिक, शिपाई, वाहनचालक या पदांसाठी परीक्षा घेण्यात आली. यात जळगाव शहरात २० केंद्रांवर ही परीक्षा झाली. यातील गणेश कॉलनीमधील प.न. लुंकड कन्या शाळेच्या केंद्रावर नितीन राठोड हा परीक्षा देत असताना त्याची हालचाल संशयास्पद वाटल्याने पर्यवेक्षकांनी त्याची झडती घेतली. त्या वेळी त्याच्याकडे मोबाईल आढळला. परवानगी नसताना या परीक्षार्थीने परीक्षा केंद्रात मोबाईल नेल्याचे आढळताच जिल्हा पेठ पोलिसांना माहिती देण्यात आली. त्या वेळी प्रभारी सागर शिंपी व त्यांचे सहकारी परीक्षा केंद्रावर पोहचले. त्यांनी सदर परीक्षार्थीस ताब्यात घेत पोलिस ठाण्यात आणले.या प्रकारानंतर न्यायाधीश व अन्य अधिकारी पोलिस ठाण्यात दाखल झाले. मुंबई उच्च न्यायालयाच्यावतीने घेण्यात आलेल्या या परीक्षेचे जळगावात जिल्हा न्यायालयाने नियोजन केले होते. त्यात जळगाव शहरात २० केंद्रावर ही परीक्षा झाली. यासाठी एकूण २० हजार २४० परीक्षार्थी होते. त्यापैकी जवळपास ९५ टक्के परीक्षार्थी हजर होते. एकेका परीक्षा केंद्रावर प्रत्येकी ३ पोलिस कर्मचारी, अधिकारी बंदोबस्तासाठी तैनात होते. तसेच जिल्हा न्यायालयाच्यावतीने परीक्षार्थींसाठी वाहतूक व्यवस्था करण्यात आली होती.
Web Summary : A candidate, Nitin Rathod, was caught with a mobile phone during a court employee recruitment exam in Jalgaon. Police took him into custody after supervisors found the device during inspection at the Ganesh Colony center. The exam, conducted by the Mumbai High Court, saw high attendance.
Web Summary : जलगाँव में न्यायालय कर्मचारी भर्ती परीक्षा के दौरान नितिन राठौड़ नामक एक परीक्षार्थी के पास मोबाइल फोन पाया गया। गणेश कॉलोनी केंद्र पर निरीक्षण के दौरान पर्यवेक्षकों द्वारा उपकरण मिलने के बाद पुलिस ने उसे हिरासत में ले लिया। मुंबई उच्च न्यायालय द्वारा आयोजित परीक्षा में अच्छी उपस्थिति रही।