हाँगकाँग आंतरराष्ट्रीय विमानतळावर आज पहाटे एक अत्यंत दुर्मिळ आणि भीषण अपघात घडला आहे. संयुक्त अरब अमिरातीमध्ये नोंदणीकृत असलेले एक कार्गो विमान धावपट्टीवरून घसरले आणि थेट समुद्रात कोसळले.
दुबईहून हाँगकाँगला पोहोचलेले हे विमान स्थानिक वेळेनुसार पहाटे सुमारे ३:५० वाजता उत्तर दिशेकडील धावपट्टीवर उतरत होते. रनवेवर लँडिंग सुरू असताना, सुमारे ९० किलोमीटर प्रति तास (४९ नॉट्स) वेगाने असलेले हे विमान एका वाहनाशी धडकले आणि पुढे सरकले.
अपघातात दोन जण ठारया अपघातात विमानातील चार क्रू मेंबर सुरक्षित बचावले आहेत, मात्र त्यांना उपचारासाठी रुग्णालयात दाखल करण्यात आले आहे. पण, या धडकेमुळे विमानतळावर कार्यरत असलेले दोन ग्राउंड स्टाफ समुद्रात फेकले गेले. त्यांना तातडीने वाचवण्यात आले असले तरी, उपचारादरम्यान त्यांचा मृत्यू झाला. अपघाताची माहिती मिळताच विमानतळ प्राधिकरणाने तातडीने बचाव कार्य सुरू केले. हाँगकाँग सरकारच्या फ्लाइंग सर्विसचे हेलिकॉप्टर आणि फायर सर्विस विभागाच्या बोटी बचाव कार्यात सामील झाल्या होत्या.
सुरक्षिततेसाठी ओळखल्या जाणाऱ्या हाँगकाँग विमानतळावर हा अपघात एक दुर्मिळ घटना मानली जात आहे. घटनेनंतर, अपघातामुळे प्रभावित झालेला उत्तर दिशेकडील रनवे पुढील आदेश येईपर्यंत बंद ठेवण्यात आला आहे.
Web Summary : A UAE cargo plane crashed into the sea at Hong Kong airport, killing two ground staff. The plane, arriving from Dubai, veered off the runway during landing. The crew survived, but two airport workers died during treatment after being thrown into the sea. The north runway is closed.
Web Summary : हांगकांग हवाई अड्डे पर यूएई का एक कार्गो विमान दुर्घटनाग्रस्त हो गया, जिसमें दो ग्राउंड स्टाफ की मौत हो गई। दुबई से आ रहा विमान लैंडिंग के दौरान रनवे से फिसल गया। चालक दल बच गया, लेकिन दो हवाई अड्डे के कर्मचारी समुद्र में फेंक दिए जाने के बाद उपचार के दौरान मर गए। उत्तरी रनवे बंद है।