जहाजांवरील तीन प्रवाशांना हंटाव्हायरसची लागण, रुग्णांमध्ये एका महिलेचाही समावेश

रविवारी हे क्रूझ स्पेनमध्ये पोहोचल्यानंतर सर्व प्रवाशांना त्यांच्या देशात पाठवण्याची प्रक्रिया सुरू करण्यात आली. जागतिक आरोग्य संघटनेच्या महासचिवांसह एक मोठे पथक घटनास्थळी उपस्थित राहून परिस्थितीची पाहणी करत होते.

द हेग (एपी) : नेदरलँडच्या ‘एमव्ही होंडियस’ या क्रूझ शिपवर आणखी तीन प्रवाशांना हंटा व्हायरसची लागण झाल्याचे वा त्यासदृश लक्षणे असल्याचे समोर आले आहे. 

रविवारी हे क्रूझ स्पेनमध्ये पोहोचल्यानंतर सर्व प्रवाशांना त्यांच्या देशात पाठवण्याची प्रक्रिया सुरू करण्यात आली. अनेक प्रवाशांना विलगीकरणात ठेवण्यात आले होते. 

जागतिक आरोग्य संघटनेच्या महासचिवांसह एक मोठे पथक घटनास्थळी उपस्थित राहून परिस्थितीची पाहणी करत होते. सोमवारी मिळालेल्या माहितीनुसार एक फ्रेंच महिला आणि दोन अमेरिकी नागरिकांना या विषाणूची लागण झाल्याचे दिसून आले. 

स्पेनच्या कॅनरी बेटांवर हे जहाज नांगरल्यानंतर, रविवारपासून प्रवाशांना मायदेशी नेण्यास सुरुवात झाली होती.