शेअर बाजारात सलग दुसऱ्या दिवशी घसरण; आयटी शेअर्सना मोठा फटका, सेन्सेक्स-निफ्टी रेड झोनमध्ये

Share Market Today: मंगळवारी भारतीय शेअर बाजाराची सुरुवात पुन्हा एकदा घसरणीसह झाली असून गुंतवणूकदारांमध्ये चिंतेचं वातावरण पाहायला मिळालं. आठवड्याच्या दुसऱ्या दिवशी, मुंबई शेअर बाजाराचा निर्देशांक 'सेंसेक्स' ३२६.८९ अंकांनी (०.४३%) कोसळून ७५,६८८.३९ वर उघडला. तर दुसरीकडे, राष्ट्रीय शेअर बाजाराचा 'निफ्टी ५०' निर्देशांक ९३.२५ अंकांच्या (०.३९%) घसरणीसह २३,७२२.६० वर उघडला. विशेषतः आयटी क्षेत्रातील दिग्गज कंपन्यांच्या शेअर्समध्ये आज मोठी पडझड पाहायला मिळत आहे.

बाजार उघडताच बहुतांश कंपन्यांचे शेअर्स घसरले

सेंसेक्समधील ३० पैकी फक्त ६ कंपन्यांचे शेअर्स वाढीसह उघडले, तर तब्बल २४ कंपन्यांना घसरणीचा सामना करावा लागला. निफ्टीची स्थितीही फारशी वेगळी नव्हती; ५० पैकी केवळ १३ शेअर्सनं ग्रीन झोनमध्ये सुरुवात केली, तर ३६ शेअर्स रेड झोनमध्ये व्यवहार करत होते. टाटा स्टीलनं आज सर्वाधिक ०.४० टक्क्यांची वाढ नोंदवत सकारात्मक सुरुवात केली, तर इन्फोसिसचे शेअर्स २.५४ टक्क्यांच्या मोठ्या घसरणीसह व्यवहार करत होते.

Wife च्या सोबत Post Office मध्ये उघडू शकता खातं, दर महिन्याला हमीसह मिळेल ₹८६३३ चं फिक्स व्याज

एसबीआय आणि रिलायन्सचे शेअर्स वधारले

बाजारात घसरण सुरू असतानाही काही बड्या कंपन्यांनी चांगली सुरुवात केली. यामध्ये एसबीआय (०.२६%), रिलायन्स इंडस्ट्रीज (०.२१%), भारती एअरटेल (०.०७%), सन फार्मा (०.०३%) आणि एनटीपीसी (०.०३%) या कंपन्यांच्या शेअर्समध्ये वाढ पाहायला मिळाली. 

आयटी क्षेत्रावर विक्रीचा दबाव

आज आयटी क्षेत्रातील कंपन्यांमध्ये मोठ्या प्रमाणावर विक्री सुरू असल्याचं चित्र आहे. यामध्ये टेक महिंद्रा (२.३४%), टीसीएस (१.८७%) आणि एचसीएल टेक (१.६५%) या शेअर्समध्ये मोठी घसरण झाली. याव्यतिरिक्त एचडीएफसी बँक, एशियन पेंट्स, बजाज फिनसर्व, आयसीआयसीआई बँक, टायटन आणि अदानी पोर्ट्स यांसारख्या दिग्गज कंपन्यांचे शेअर्सही घसरणीसह उघडले. सोमवारी देखील बाजाराला मोठा फटका बसला होता, जिथे सेन्सेक्स १३१२.९१ अंकांनी तर निफ्टी ३६०.३० अंकांनी घसरून बंद झाला होता. सलग दुसऱ्या दिवशी बाजारात सुरू असलेल्या या घसरणीमुळे गुंतवणूकदारांची धाकधूक वाढली आहे.