युगांडामध्ये भीषण अपघात झाला आहे. बस आणि इतर वाहनांची धडक होऊन तब्बल ६३ जणांचा जागीच मृत्यू झाला. या अपघातात अनेक जण गंभीर जखमी झाले आहेत. युगांडाची राजधानी कंपालाच्या उत्तरेला असलेल्या गुलू शहराला जोडणाऱ्या कंपाला-गुलू महामार्गावर बुधवारी सकाळी हा अपघात झाला, ज्यामध्ये एका बससह अनेक लहान आणि मोठी वाहनं एकमेकांवर आदळली.
स्थानिक पोलिसांच्या म्हणण्यानुसार, या धडकेत मोठ्या प्रमाणात जीवितहानी आणि मालमत्तेचं नुकसान झालं आहे. युगांडा पोलिसांनी या अपघाताचा तपास सुरू केला आहे. सुरुवातीच्या तपासानंतर स्थानिक पोलिसांनी या अपघातात दोन बस आणि इतर चार वाहनांचा समावेश असल्याचं सांगितलं. बस चालकाने कंपाला-गुलू महामार्गावर एका लॉरीला ओव्हरटेक करण्याचा प्रयत्न केला, परंतु विरुद्ध दिशेने येणाऱ्या वाहनाशी धडक झाली.
अचानक झालेल्या या धडकेनंतर मागून येणारी अनेक वाहनं एकमेकांवर आदळली, ज्यामुळे महामार्गावर गोंधळ उडाला. कंपाला पोलिसांनी सांगितलं की, अपघातानंतर बचाव आणि मदत पथकं तैनात करण्यात आली आहेत.
जखमी आणि अडकलेल्यांना बाहेर काढण्यासाठी बचाव पथकं सक्रियपणे काम करत आहेत. मृतांची ओळख पटवण्याची प्रक्रिया सुरू आहे. जखमींवर पश्चिम युगांडाच्या किरियानडोंगे शहरातील रुग्णालयात उपचार सुरू आहेत. या भयानक आणि दुःखद अपघातानंतर कंपाला-गुलू महामार्ग तात्पुरता बंद करण्यात आला आहे. ६३ जणांचा जागीच मृत्यू झाला आहे, तर अनेक जण गंभीर जखमी आहेत.
Web Summary : A horrific bus crash in Uganda killed 63 people and severely injured many others. The accident occurred on the Kampala-Gulu highway, involving multiple vehicles. Initial reports suggest a bus attempting to overtake a lorry collided with oncoming traffic, triggering a chain reaction. Rescue operations are underway, and the highway is temporarily closed.
Web Summary : युगांडा में एक भयानक बस दुर्घटना में 63 लोगों की मौत हो गई और कई गंभीर रूप से घायल हो गए। यह दुर्घटना कंपाला-गुलु राजमार्ग पर हुई, जिसमें कई वाहन शामिल थे। शुरुआती रिपोर्टों के अनुसार, एक बस ने एक लॉरी को ओवरटेक करने की कोशिश में विपरीत दिशा से आ रहे वाहनों को टक्कर मार दी, जिससे कई वाहन आपस में टकरा गए। बचाव कार्य जारी है और राजमार्ग को अस्थायी रूप से बंद कर दिया गया है।