मध्य पूर्वेत आज एक युद्ध शमले आहे. इराण-इस्रायल युद्धात अमेरिकेने उडी घेत हल्ला करून सीझफायरही करायला लावले आहे. या घडामोडींमागे कतारचा देखील हात आहे. इराणला मुस्लिम देश मदत करतील अशी अपेक्षा होता. परंतू, इराण या देशांचा लीडर बनायला गेला आणि मित्रदेश गमावून बसला अशी वेळ या देशावर आली आहे.
अमेरिकेने इराणच्या अणुस्थळांवर हल्ला केल्यानंतर लगेचच इराणने कतारमधील अमेरिकेच्या एअरबेसवर हल्ले चढविले होते. यामुळे कतारमधील नागरिकही हादरले आहेत. हे युद्ध पेटले तर कतारमध्येही मिसाईल कोसळायला वेळ लागणार नाही. जेव्हा अमेरिकेने कतार, सौदीसह मध्य पूर्वेतील देशांवर बंधणे लादली होती. तेव्हा इराणने मध्यस्थी करत ही बंधणे उठविली होती. आता कतार इराणच्या मदतीला आला आहे.
कतारवर हल्ला करण्यापूर्वी इराणने कतारला कल्पना दिली होती. तासभर आधी कतारला कळविले होते. यामुळे अमेरिकेने आपली महागडी महत्वाची विमाने एअरबेसवरून हटविली होती. या साऱ्या साट्यालोट्यामुळे इराणची बदला घेण्याची व जगासमोर इज्जत वाचविण्याची गरज शमली. कतारच्या शेखने आपल्यावर हल्ला होऊनही इराणला फोन फिरविला आणि सीझफायरसाठी राजी केले.
हल्लीच्या काळात जगभरात जे काही हल्ले झाले, वाद झाले कतारने यात मध्यस्थीची भूमिका निभावली आहे. तसे पाहता कतारकडे पैसा आहे पण सैनिकी ताकद नाहीय. तरीही ट्रम्प कतारच्या शेखकडे पोहोचले. इस्रायलला मी समजावतो, तुम्ही इराणला समजवा असा संदेश त्यांनी कतारच्या शेखकडे दिला. तिथून पुढे पंतप्रधान शेख मोहम्मद बिन अब्दुलरहमान यांनी इराणला खामेनींना फोन केला व सुत्रे हलविली.
कतारने अफगाणिस्तानमध्ये अमेरिकेच्या सैन्य वापसीमध्ये देखील महत्वाची भूमिका बजावली होती. तालिबानसोबत अमेरिकेची चर्चा कतारनेच घडवून आणली होती. रशिया-युक्रेन युद्धादरम्यान कतारने अनेक वेळा मध्यस्थ म्हणून महत्त्वाची भूमिका बजावली आहे. इस्रायलवरील हल्ल्यांनंतर हमासने २५० लोकांना बंदी बनविले होते. त्यांना सोडविण्यासाठी कतारनेच मध्यस्थी केली होती. २००८ मध्ये, कतारने लेबनॉनमधील यादवी युद्ध संपवण्यात महत्त्वाची भूमिका बजावली होती.