Iran US War Update: इराणच्या तेल साठ्यांवरच इस्रायलचे हल्ले! आगीचे लोळ आणि धुराच्या लोटांची भयावह दृश्य

Iran Israel War Live Update: इराणची राजधानी तेहरानजवळ असलेल्या तेल गोदामांवरच इस्रायलने हवाई हल्ले केले. या हल्ल्यांनंतर स्फोट होऊन भयावह आग लागली.

इस्रायलचेइराणवरील हल्ले सुरूच आहेत. इराणची राजधानी तेहरानमधील काही व्हिडीओ समोर आले आहेत. इस्रायलने तेल साठवलेल्या ठिकाणांवरच हल्ले केल्याने मोठे स्फोट झाले आणि आग लागल्याचे व्हिडीओओमध्ये दिसत आहेत. इस्रायलच्या डिफेन्स फोर्सेसने इराणची राजधानी तेहरानमधील अनेक तेल गोदामांवर हल्ला केल्याचे म्हटले आहे. 

इस्रायलच्या लष्कराने म्हटले आहे की, इराणची राजधानी तेहरानमध्ये असलेल्या काही तेल गोदामांवर आम्ही हल्ले केले आहेत. हा तेल गोदामांवरील एक महत्त्वाचा हल्ला होता. इराणमध्ये तेल गोदामांवर केल्या गेलेल्या हल्ल्यानंतर काही व्हिडीओ समोर आले आहे, ज्यात आगीचे प्रचंड लोळ आणि धुराचे लोट दिसत आहेत. 
  

Tehran's largest oil depot up in flames 👇

A reminder that China imports 15% of its oil from Iran. No longer.pic.twitter.com/bGdxWSECNk

— Dr. Eli David (@DrEliDavid) March 7, 2026

इस्रायलच्या लष्कराचे म्हणणे आहे की, इराणचे सरकार या तेल गोदामांचा वापर सैन्यासाठी करत आहे. यापूर्वी इराणची वृत्तसंस्था फार्स न्यूजने म्हटले होते की, तेहरानमधील एका तेल गोदामावर हल्ला करण्यात आला आहे. हल्ल्याचे व्हिडीओ समोर आले असले, तरी त्यात जीवितहानी झाली आहे का? याबद्दल माहिती समोर आलेली नाही. 

Shahran Oil Depot in #Tehranpic.twitter.com/lHyWfiXbSM

— Mohammed Zubair (@zoo_bear) March 8, 2026

इराण विरुद्ध इस्रायल-अमेरिका

इराणविरोधात इस्रायल-अमेरिका या दोन्ही देशांनी युद्ध पुकारले आहे. अमेरिकेकडूनही इराणवर हवाई हल्ले सुरूच आहे. इराणकडून अमेरिकेच्या तळांना आणि इस्रायलमधील काही शहरांना लक्ष्य केले गेले. त्यानंतर खवळलेल्या इस्रायलने थेट तेल गोदामांनाच लक्ष्य केले आहे.  

CRAZY FOOTAGE 🔴

Apocalyptic scenes coming out of Tehran right now pic.twitter.com/VVejLZfaVq

— Open Source Intel (@Osint613) March 7, 2026

५२००० भारतीय मायदेशात परतले 

मध्य पूर्वेत निर्माण झालेल्या परिस्थितीवर भारत नजर ठेवून आहे. भारताच्या परराष्ट्र मंत्रालयाने शनिवारी रात्री उशिरा यावर बोलताना म्हटले की, काही प्रमाणात हवाई क्षेत्र खुले झाले आहे. त्यामुळे ५२००० पेक्षा अधिक भारतीय मायदेशी परतले आहेत. 

मध्य पूर्वेतील देशांमध्ये असलेल्या भारतीयांनी स्थानिक प्रशासन आणि भारतीय दूतावासांनी दिलेल्या सूचनांचे पालन करावे आणि त्यानुसार स्वतःला सुरक्षित ठेवावे असे आवाहनही परराष्ट्र मंत्रालयाने केले आहे.