CoronaVirus News : चिंता वाढली! 5 महिन्यांपूर्वी कोरोनामुक्त झालेल्या महिलेला पुन्हा लागण, डॉक्टरांमध्ये भीतीचं वातावरण

By ऑनलाइन लोकमत | Published: August 13, 2020 10:48 AM2020-08-13T10:48:43+5:302020-08-13T10:53:57+5:30

CoronaVirus Marathi News and Live Updates: जगभरात भीतीचे वातावरण निर्माण करणाऱ्या कोरोनामुळे आतापर्यत सात लाखांहून अधिक लोकांना आपला जीव गमवावा लागला आहे.

CoronaVirus Marathi News after treatment corona woman china tested positive again | CoronaVirus News : चिंता वाढली! 5 महिन्यांपूर्वी कोरोनामुक्त झालेल्या महिलेला पुन्हा लागण, डॉक्टरांमध्ये भीतीचं वातावरण — CoronaVirus News : चिंता वाढली! 5 महिन्यांपूर्वी कोरोनामुक्त झालेल्या महिलेला पुन्हा लागण, डॉक्टरांमध्ये भीतीचं वातावरण

कोरोनाचा उद्रेक झाला असून सातत्याने धडकी भरवणारी आकडेवारी समोर येत आहे. कोरोनाचा ग्राफ वेगाने वाढताना दिसून येत आहे. खबरदरीचे सर्व उपाय करण्यात येत आहेत. कोरोनाग्रस्तांच्या संख्येने तब्बल दोन कोटींचा टप्पा पार केला असून आतापर्यंत 20,806,983 लोकांना त्याचा संसर्ग झाल्याची माहिती मिळत आहे. जगभरात भीतीचे वातावरण निर्माण करणाऱ्या कोरोनामुळे आतापर्यत सात लाखांहून अधिक लोकांना आपला जीव गमवावा लागला आहे. याच दरम्यान आणखी एक चिंता वाढवणारी माहिती समोर आली आहे.

पाच महिन्यांपूर्वी कोरोनामुक्त झालेल्या महिलेला पुन्हा एकदा कोरोनाची लागण झाल्याची धक्कादायक माहिती आता समोर आली आहे. यामुळे चीनमध्ये ही घटना घडली असून आरोग्य यंत्रणा आणि डॉक्टरांमध्ये भीतीचे वातावरण निर्माण झाले आहे. एका 68 वर्षीय महिलेला कोरोनाची लागण झाल्यानंतर उपचारासाठी रुग्णालयात दाखल करण्यात आलं होतं. उपचारानंतर महिलेला डिस्चार्ज देण्यात आला होता. पण पाच महिन्यांनी पुन्हा एकदा महिलेला कोरोनाची लागण झाली असल्याने चिंता वाढली आहे.

CoronaVirus News : परिस्थिती गंभीर! कोरोनामुळे तब्बल 7 लाख लोकांना गमवावा लागला जीवhttps://t.co/yRQuoEpAnY #coronavirus #CoronaUpdates #COVID19
— Lokmat (@MiLOKMAT) August 13, 2020

हुबेई प्रांतातील रुग्णालयात महिला कोरोना पॉझिटिव्ह असल्याचं आढळलं. ग्लोबल टाईम्सने याबाबत माहिती दिली आहे. महिला कोरोनामुक्त झाल्यानंतर फेब्रुवारी महिन्यात तिला डिस्चार्ज देण्यात आला होता. "दुर्मिळ अशा या प्रकरणात व्हायरस शरीरातून नष्ट होण्यासाठी खूप वेळ घेत असल्याचं समोर येत आहे" असं तज्ज्ञांनी म्हटलं आहे. ही महिला 9 ऑगस्टला कोरोना पॉझिटिव्ह आढळली. सध्या तिला क्वारंटाईनमध्ये ठेवण्यात आलं आहे.

CoronaVirus News : कोरोनावर हरणार, व्हायरसवर मात करता येणार, WHO ने म्हटलं...https://t.co/iUMwIHku6N #coronavirus #CoronaUpdatesInIndia #COVID19India #WHO
— Lokmat (@MiLOKMAT) August 11, 2020

महिलेच्या संपर्कात आलेल्यांची तपासणी केली असता ते निगेटिव्ह आढळले आहेत. वुहान विद्यापीठातील रोगकारक जीवशास्त्र विभागाचे यांग झांगक्यू यांनी 'या केसवरुन कोरोना व्हायरस शरीरातून पूर्ण नष्ट होण्यासाठी खूप वेळ घेईल हे निदर्शनास येत आहे. काही रुग्णांच्या शरीरात व्हायरसचं प्रमाण कमी असतं, यामुळेच आधी महिलेचा रिपोर्ट निगेटिव्ह आला असण्याची शक्यता आहे' असं म्हटलं आहे. एका हिंदी वेबसाईटने याबाबतचे वृत्त दिले आहे.