लोकमत न्यूज नेटवर्क, पणजी : मांडवी आणि जुवारी या दोन्ही नद्यांच्या एकूण ५ कोटी ७२ लाख चौ.मी. एवढी डोंगराळ जमीन इको सेन्सिटिव्ह झोन म्हणून संरक्षित करण्याचा विषय काल मंत्री विश्वजित राणे यांनी केंद्रीय वन व पर्यावरण मंत्रालयाला सविस्तरपणे कळवला आहे.
वन व टीसीपी मंत्री विश्वजित राणे यांनी सांगितले की, केंद्रीय वन व पर्यावरण मंत्रालयाला आपण सर्व तपशील पाठवला आहे. एकदा ५ कोटी ७२ लाख चौ.मी. डोंगराळ भाग किंवा ग्रीन भाग संरक्षित झाला की आपण प्रत्येक जमिनीचा सर्व्हे क्रमांक जाहीर करणार आहे. मांडवी व जुवारी या दोन्ही नद्यांच्या बाजूला किंवा किनाऱ्यावर ५ कोटी ७२ लाख चौ. मी. एवढा डोंगराळ हरितपट्टा आहे. हा पठार नव्हे तर टेकड्या व डोंगरांचा भाग आहे.
मांडवीकडे उभे राहिले की पर्वरीच्या दिशेने; पण कोर्ट इमारतीकडे हरितपट्टा दिसून येतो. तसे भाग इको सेन्सिटिव्ह झोन म्हणून संरक्षित केले जातील. वन खात्याने पत्र लिहून टीसीपीला कल्पना दिली आहे. आपण ही सगळी माहिती केंद्रीय वन व पर्यावरण मंत्रालयाला माहिती देऊन तत्त्वतः मान्यता घेतली आहे, असे मंत्री राणे म्हणाले.
एकदा नद्यांच्या बाजूला असलेली पावणेसहा कोटी जमीन क्षेत्र संरक्षित झाले की, मग त्या क्षेत्राला कुणी हात लावू शकणार नाही. तिथे जमीन रूपांतरणे करताच येणार नाही, असा दावा मंत्री राणे यांनी केला.
दरम्यान, यापूर्वी खारफुटी क्षेत्र संरक्षित करण्यात आले आहे. एकूण १३ हजार सर्व्हे क्रमांकांमधील खारफुटीचे क्षेत्र संरक्षित झाले आहे, असे मंत्री राणे यांचे म्हणणे आहे.
Web Summary : Goa plans to protect 6.72 crore sq. mt. of land near Mandavi and Zuari rivers as an Eco-Sensitive Zone. Minister Vishwajit Rane informed the central ministry, emphasizing no land conversion will be permitted in the protected area. Mangrove areas are already secured.
Web Summary : गोवा मांडवी और जुआरी नदियों के पास 6.72 करोड़ वर्ग मीटर भूमि को इको-सेंसिटिव जोन के रूप में संरक्षित करने की योजना बना रहा है। मंत्री विश्वजीत राणे ने केंद्रीय मंत्रालय को सूचित किया, और जोर दिया कि संरक्षित क्षेत्र में भूमि रूपांतरण की अनुमति नहीं होगी। मैंग्रोव क्षेत्र पहले से ही सुरक्षित हैं।