इटकळ येथे ज्ञानेश्वरी हरिनाम सप्ताह सुरू

अणदूर : तुळजापूर तालुक्यातील इटकळ येथे ग्रंथराज ज्ञानेश्वरी पारायण सोहळा व अखंड हरिनाम सप्ताह सोहळ्यास १३ फेब्रुवारीपासून प्रारंभ झाला. यात दररोज काकडा आरती, अभिषेक, ज्ञानेश्वरी पारायण, भजन, प्रवचन, नामजप, हरिपाठ, कीर्तन, हरिजागर, असे विविध कार्यक्रम होत आहेत.

सप्ताहादरम्यान आकाश महाराज पाटील, ह.भ.प. गोपाळ अण्णा वासकर (पंढरपूर), ह.भ.प. प्रल्हाद महाराज सरडे, ह.भ.प. ताजुद्दीन महाराज शेख (औरंगाबाद), ह.भ.प. नितीन जगताप (नांदुरी), ह.भ.प. नितीन महाराज जगताप, ह.भ.प. प्रशांत महाराज मोरे देहूकर यांची कीर्तनसेवा होणार आहे. शिवाय अशोक जाधव (बाभळगाव), ह.भ.प. राजू महाराज पाटील (वागदरी), ह.भ.प. कल्याण महाराज शिंदे, ह.भ.प. दीपक महाराज निकम (धनगरवाडी), राम कदम महाराज (चिंचोली), ह.भ.प. शिवाजी महाराज जाधव (बावकरवाडी) यांचे प्रवचन होणार आहे. १८ रोजी ह.भ.प. समाधान महाराज शर्मा यांचे काल्याचे कीर्तन व ह.भ.प. अप्पासाहेब महाराज दिंडेगावकर यांच्या हस्ते काला वाटप होणार आहे. विक्रम शिंदे, देवराव शिंदे, अप्पाराव जळकोटे, सुभाष महानुरे, विकास बिराजदार, अरुण भोसले, विठ्ठल बिराजदार, अमर बंडगर, साधू शिंदे, लक्ष्मण बंडगर, चंद्रकांत लोहार, शरणाप्पा पांढरकर यांनी जेवण व नाश्त्याची व्यवस्था केली आहे, तर महाप्रसादाची सोय दौलतराव पाटील यांनी केली आहे. या सप्ताहात जागर व भारुडाचा कार्यक्रम आयोजित केलेला आहे. यासाठी गणेश बिराजदार, सोमनाथ जळकोटे, आकाश पाटील, प्रकाश पांढरे, संतोष गायकवाड, चेतन गायकवाड, प्रकाश स्वामी यांच्यासह जाणता राजा तरुण मंडळ, राजमाता प्रतिष्ठान, शिव मल्हार तरुण मंडळ, जय मातादी तरुण मंडळ, जय हनुमान भजनी मंडळ व समस्त गावकरी मंडळी आदींनी यासाठी पुढाकार घेतला आहे.

फोटो....

इटकळ येथे सुरू असलेल्या हरिनाम सप्ताहात हरिपाठाचे वाचन करताना भक्त.