प्रयागराज - शहरातील सितारा आणि कप्तान यांची कहाणी चांगलीच चर्चेत आली आहे. लग्नाच्या पहिल्या रात्रीच चाकूने पतीच्या छातीवर वार करणाऱ्या सिताराने पती कप्तानवर गंभीर आरोप लावले आहेत. त्या रात्री मी नव्हे तर पतीनेच चाकू घेतला होता. मी तर पहिल्या रात्रीच त्याला स्पर्श करून दिला असता परंतु त्याने स्वत:जवळ चाकू ठेवला होता. कप्तानचं याआधीच लग्न झाले आहे आणि त्याला एक मुलगीही आहे असं पत्नीने म्हटलं आहे.
पत्नी सिताराने माध्यमांना सांगितले की, मी कधी त्याला नकार दिला नाही, मी चाकूही उचलला नव्हता. चाकू त्याच्याकडेच होता आणि तो मला धमकावत होता. लग्नाच्या काही तासानंतरच मला कप्तानचे हे दुसरे लग्न असून याआधीही एक लग्न केल्याचे कळले. त्याला मुलगीही आहे. त्याने माझी फसवणूक केली. इतकेच नाही तर त्याने मला त्याच्या पहिल्या पत्नीशीही बोलायला दिले असं तिने सांगितले आहे.
त्याशिवाय सिताराने तिच्या पतीवर अनेक गंभीर आरोप केलेत. मी पहिल्या रात्री त्याच्यासोबत खोलीत गेले तेव्हा त्याने मला मारहाण सुरू केली. त्याच्या पहिल्या पत्नीनेही मला धमकावले. जर माझ्या पतीला हात लावला तर तुझा जीव घेईन असं सांगितले. लग्नाच्या पहिल्याच रात्री त्याने माझा मोबाईल हिसकावून घेतला. कुणाशीही बोलायचे नाही असं बजावले. पतीने वारंवार माझा अपमान केला. मारले, धमकावले आणि माझ्यावर नको ते आरोप करत राहिला असं सिताराने सांगितले. सिताराचा कथित प्रियकर अमनबद्दलही तिने स्पष्टीकरण दिले.
"मी अमनला ओळखत नाही..."
मी कुठल्याही अमनला ओळखत नाही. माझे त्याच्याशी काय नाते सांगितले जाते हेदेखील माहिती नाही. अमन कप्तानचा मित्र आहे. मला अडकवण्यासाठी त्याचे नाव घेतले जाते. मी प्रियकरासोबत पळाली नाही तर माझा जीव वाचवण्यासाठी घरातून बाहेर गेली. माझा पती सतत मला धमकावत होता. जर मी विरोध केला, कुणाला सांगितले तर माझ्या कुटुंबाला मारण्याचा आणि मलाही जीवे मारण्याची धमकी देत होता असा आरोप सिताराने केला.
पती कप्तानने काय म्हटले होते?
दरम्यान, सिताराचा पती कप्तानने पत्नीवर आरोप केले होते. लग्नानंतर पत्नीने चाकूने मला मारण्याचा प्रयत्न केला. जर मी तिच्या जवळ आलो तर ती स्वत:लाही संपवेन आणि तुलाही असं तिने धमकी दिली होती. सिताराच्या व्हॉट्सअपवर चॅटिंग होते, त्यातून तिचा प्रियकर अमन असल्याचे कळले. हे जर कुणाला सांगितले तर १०-२० मुलांना घेऊन तुझा गेम करेन असं सिताराने पतीला धमकावल्याचा आरोप आहे. सध्या या प्रकरणात पोलीस कारवाई सुरू आहे.