Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

सिल्लोड: तालुक्यातील शिवना येथून ट्रक चोरून फरार झालेल्या एका आरोपीला अजिंठा पोलिसांनी बुलढाणा येथील तुरुंगातून शुक्रवारी सायंकाळी ताब्यात घेतले. राहुल गोटिराम साबळे (२८, रा.कुऱ्हा गोतमारा ता.मोताळा जि.बुलढाणा) असे ताब्यात घेतलेल्या आरोपीचे नाव आहे. सहा महिन्या पूर्वी सिल्लोड तालुक्यातील शिवना येथील कृषी व्यापारी अंकूश दांडगे यांच्या मालकीचा ट्रक (एमएच ४८ एवाय २६६३ ) हा सप्टेंबर २०२३ मध्ये साईश्रध्दा कृषी सेवाकेंद्रा समोरून चोरीस गेला होता. याप्रकरणी अजिंठा पोलिसांनी अज्ञात व्यक्ती विरुद्ध त्यावेळी गुन्हा दाखल केला होता. दरम्यान, तपासानंतर पोलिसांना ही चोरी राहुल साबळे यांनी केली असावी असा संशय होता. मात्र तो सापडत नव्हता. याचवेळी साबळेला बुलढाणा पोलिसांनी एका प्रकरणात अटक केली होती. अजिंठा पोलीस ठाण्याचे सहायक पोलिस निरीक्षक अमोल ढाकणे, बिटजमादार अरुण गाडेकर यांनी न्यायालयाच्या परवानगीने साबळेला बुलढाणा तुरुंगातून ताब्यात घेतले. आज दुपारी न्यायालयाने त्याला एक दिवसीय पोलिस कोठडी सुनावली. चोरलेला ट्रक तेलंगाणात... दरम्यान, कोठडीत साबळेने शिवना येथून ट्रक चोरून बुलढाणा, उंद्री, बाळापूर, वाशिम, पुसद, आदिलाबादमार्गे तेलंगणात नेल्याची कबुली दिली. अजिंठा पोलिसांच्या माहितीवरून तेलंगाणा पोलिसांनी वरंगल जिल्ह्यातील तिलकानुर्ती येथून चोरीचा ट्रक ताब्यात घेतल्याची माहिती सहायक पोलिस निरीक्षक अमोल ढाकणे यांनी दिली.

Chhatrapati Sambhajinagar (Marathi News)

मराठवाड्यातील ८७७ प्रकल्पात फक्त २३ टक्के पाणी ...

पाळीव पशू, पक्ष्यांना रंगापासून दूर ठेवण्याचे निसर्गप्रेमींचे आवाहन ...

जागा शिवसेनेला की भाजपच लढवणार? ठाकरेंना प्रतीक्षा ...

'होळीला संजय राऊतांच्या नावाने बोंबा मारणार.' ...

चोवीस तासांसाठी लाल, तर भेटायला येणाऱ्यांसाठी निळ्या रंगाचा पास ...

सहा महिन्यांनी आरोपी बुलढाणा तुरुंगातून ताब्यात ...