'इराण अण्वस्त्रे बाळगू शकत नाही', ट्रम्प यांच्या भेटीनंतर शी जिनपिंग यांनी होर्मुझची सामुद्रधुनी खुली करण्यास सहमती दर्शवली

इराणकडे अण्वस्त्रे असू शकत नाहीत आणि होर्मुझची सामुद्रधुनी खुली ठेवली पाहिजे, यावर अमेरिका आणि चीन सहमत आहेत, असा दावा अमेरिकेचे राष्ट्राध्यक्ष ट्रम्प यांनी चीन दौऱ्यानंतर केला आहे.

अमेरिकेचे राष्ट्राध्यक्ष डोनाल्ड ट्रम्प तीन दिवसांच्या चीन दौऱ्यावर होते. या दौऱ्यादरम्यान, ट्रम्प यांनी शी जिनपिंग यांच्यासोबत द्विपक्षीय व्यापार आणि जागतिक मुद्द्यांवर विस्तृत चर्चा केली. या दौऱ्यानंतर, ट्रम्प यांनी दावा केला की, इराणकडे अण्वस्त्रे असू शकत नाहीत आणि होर्मुझची सामुद्रधुनी कोणत्याही परिस्थितीत खुली ठेवली पाहिजे, यावर अमेरिका आणि चीन सहमत झाले आहेत.

अमेरिकेचे राष्ट्राध्यक्ष ट्रम्प यांनी त्यांच्या तीन दिवसीय चीन दौऱ्यादरम्यान त्यांनी शी जिनपिंग यांची भेट घेतली. तिथे त्यांनी मध्य-पूर्वेतील सुरू असलेला संघर्ष आणि इतर प्रादेशिक मुद्द्यांवर चर्चा केली.

NEET पेपरफुटी प्रकरणात CBI ची मोठी कारवाई; मुख्य सूत्रधाराला अटक, पेपर कसा फुटला?

चीनहून निघाल्यानंतर एअर फोर्स वनमधून पत्रकारांशी बोलताना राष्ट्राध्यक्ष ट्रम्प यांनी होर्मुझच्या सामुद्रधुनीवर अमेरिकेचे नियंत्रण असल्याचा आग्रह धरला आणि यावरही जोर दिला की, गेल्या अडीच आठवड्यांपासून या भागातील अमेरिकेच्या नौदल नाकेबंदीमुळे इराणला दररोज ५०० मिलियन डॉलर्सचा फटका बसत आहे. मला त्यांच्याबद्दल खूप आदर आहे.

अण्वस्त्रे बाळगू शकत नाहीत, असा इराणबद्दल ट्रम्प यांचा विश्वास आहे. ते अण्वस्त्रे बाळगू शकत नाहीत आणि त्यांनी होर्मुझची सामुद्रधुनी खुली ठेवावी अशी त्यांची इच्छा आहे.

राष्ट्राध्यक्ष ट्रम्प यांनी सांगितले की, चीनचे अध्यक्ष शी जिनपिंग यांना तैवानने स्वातंत्र्यासाठी लढा दिलेला नको आहे, कारण त्यामुळे मोठा संघर्ष निर्माण होईल. "आमची भेट खूप छान झाली, तो एक अद्भुत काळ होता. अध्यक्ष शी जिनपिंग एक चांगले व्यक्ती आहेत. अध्यक्ष शी जिनपिंग आणि मी तैवानबद्दल बरीच चर्चा केली. तैवान जे काही करत आहे, त्याच्याशी आपला काहीही संबंध नसावा, असे त्यांना वाटते. तैवानच्या कृतींना त्यांचा तीव्र विरोध आहे," असे ते म्हणाले.

इराण आणि तैवानवर सामंजस्य

ट्रम्प यांनी पत्रकारांना सांगितले, "आम्ही चीनचे राष्ट्राध्यक्ष शी जिनपिंग यांच्यासोबत तैवान आणि इराणवर चर्चा केली. मला वाटते की दोन्ही मुद्द्यांवर आमचे खूप चांगले एकमत झाले आहे. तैवानच्या मुद्द्यावर, त्यांना स्वातंत्र्यासाठीचा संघर्ष नको आहे, कारण तो एक मोठा संघर्ष ठरेल. मी त्यांचे म्हणणे ऐकले. मी त्यावर भाष्य केले नाही, पण मी त्यांचे म्हणणे पूर्णपणे ऐकले. मला त्यांच्याबद्दल खूप आदर आहे."