पूर्वी ज्येष्ठांना व ४५ वर्षांवरील व्याधीग्रस्त नागरिकांना कोरोना लस देण्यात येत होती. त्यानंतर ४५ वर्षांवरील सर्वांना कोरोना लस देण्यास सुरुवात करण्यात आली. यासाठी चंद्रपूर जिल्ह्यात ९८ लसीकरण केंद्र सुरू करण्यात आली. पूर्वी लसीकरणाला फारसा प्रतिसाद मिळत नव्हता. त्यानंतर आरोग्य विभागातर्फे मोठ्या प्रमाणात जनजागृती करण्यात आली. त्यानंतर लसीकरणाच्या संख्येत भर पडली. त्यामुळे सर्व विभागाचे साधारणत: आठ हजाराच्या जवळपास लसीकरण होत होते. मात्र मागील आठवड्यापासून लसींचा तुटवडा जाणवत आहे. बहुतांश केंद्र बंद आहेत. सद्यस्थितीत जिल्ह्यातील ९८ लसीकरण केंद्रांपैकी केवळ ३ केंद्र सुरू होते. त्यातही केवळ बोटावर मोजण्याइतक्या लस उपलब्ध होत्या. परिणामी लसीकरणाची संख्या घटत आहे. ८ एप्रिलपर्यंत जिल्ह्यात १ लाख ५४ हजार ३० जणांचे लसीकरण पूर्ण झाले आहे. तर बहुतांश जणांचे लसीकरण बाकी आहे.
बॉक्स
गेल्यापावली परत
४५ वर्षांवरील नागरिकांना लस देणे सुरू झाल्याबरोबर लसीकरण केंद्रांवर मोठ्या प्रमाणात गर्दी उसळली. मात्र मागणीच्या तुलनेत पुरवठा झाला नाही. परिणामी लसींचा तुटवडा जणावत आहे. जिल्ह्यातील अनेक केंद्रावर लस नसल्याबाबतचे फलक लावण्यात आले आहेत. त्यामुळे बहुतांश जण लस घेण्यासाठी केंद्रावर जात असून त्यांना आल्या पावली परत जावे लागत आहे.
कोट
एकीकडे शासन ४५ वर्षांवरील नागरिकांना लस बंधनकारक केली आहे आणि दुसरीकडे लस नसल्याची बतावणी करून आल्या पावली परत जावे लागत आहे. मागील तीन दिवसांपासून लस घेण्यासाठी केंद्रावर जाऊन परत येत आहे.
- लसीकरण पात्र लाभार्थी
-------
लसीबाबत असलेला पूर्वग्रह दूर झाला. लस घेऊन प्रशासनाच्या आवाहनाला प्रतिसाद देण्यास तयार आहोत. परंतु, लस नसल्याने लसीकरणाची प्रतीक्षा लागून आहे.
- लसीकरण पात्र लाभार्थी
-----------
जिल्ह्यात लसीकरणाचे ९८ केंद्र स्थापित केले आहे. मार्च महिन्यात दररोज आठ हजारच्या जवळपास लसीकरण करण्यात येत होते. परंतु, आता लसीचा तुटवडा असल्याने केवळ तीनच केंद्र सुरू आहेत. त्यामुळे लसीकरणाची गती मंदावली आहे.
डॉ. संदीप गेडाम, जिल्हा लसीकरण अधिकारी, चंद्रपूर