जळगाव जामोद (बुलढाणा) : महाराष्ट्रात प्रसिद्ध असलेली भेंडवळ घटमांडणीचे भाकीत एक मे रोजी पहाटे सहा वाजता चंद्रभान महाराज यांचे वंशज पुंजाजी महाराज आणि त्यांचे सहकारी सारंगधर महाराजांनी जाहीर केले.
यावेळी घटातील शत्रूचे प्रतीक असलेला मसूर हे धान्य थोड्या प्रमाणात दबलेले आढळले त्यामुळे शत्रूंच्या कारवाया सुरूच राहतील. करडी धान्य म्हणजे देशाची संरक्षण व्यवस्था. करडी हे धान्य साबूत असल्यामुळे संरक्षण व्यवस्था मजबूत राहील. त्यामुळे शत्रू देशाचे काही वाकडे करू शकणार नाही. परंतु देशावर संकट असल्याने राजाला प्रचंड ताण राहील, असे भविष्य वर्तवले.
विदर्भातील अनेक शेतकरी रात्रीपासून मुक्कामाला
दरम्यान, घटामध्ये मांडलेल्या १८ धान्यामध्ये अनेक ठिकाणी फेरबदल झालेले आढळून आले त्यावरून भविष्यवाणी जाहीर करण्यात आली. भेंडवळची भविष्यवाणी ऐकण्यासाठी परिसरातील शेतकरी मोठ्या संख्येने उपस्थित होते तर विदर्भातील अनेक शेतकरी रात्रीपासूनच मुक्कामी होते.
नैसर्गिक आपत्ती संरक्षण खाते मजबूत राहील.
परकीय देशाचा त्रास राहील
आर्थिक परिस्थिती अत्यंत वाईट राहील.
पाऊस
जुन : कमी व साधारण
जुलै : साधारण जून पेक्षा जास्त
ऑगस्ट : सर्व साधारण
सप्टेंबर : जास्त व् अवकाळी पाऊस
मोठ्या प्रमाणात अवकाळी
यावर्षी भरपूर पावसाळा असून जून सर्वसाधारण, जुलैमध्ये भरपूर पाऊस, ऑगस्टमध्ये साधारण पाऊस तर सप्टेंबरमध्ये भरपूर पाऊस बरसणार आहे. अवकाळी पावसाचेसुद्धा थैमान राहील. त्याचबरोबर पीक परिस्थिती सर्वसाधारण राहील, त्यामुळे शेतकऱ्यांसाठी हे वर्ष सर्वसाधारण राहील.
करव्या वरील पुरी गायब असल्याने पृथ्वीवर प्रचंड संकट येतील. त्यामध्ये युद्धजन्य परिस्थिती किंवा नैसर्गिक आपत्तींचा सहभाग असू शकतो. मोठ्या प्रमाणात अवकाळी पावसामुळे पिकांची नासाडीसुद्धा होईल. पिकांवर रोगराई पसरेल असाही अंदाज भेंडवळच्या घटमांडणीत वर्तवला.
भेंडवडची मांडणी
कापूस पिक : सर्व साधारण
ज्वारी पिक : साधारण भावात चांगले
सोयाबीन : चांगले
तूर पिक : साधारण
मुंग पिक : साधारण
उडीद पिक : सर्वसाधारण
तील पिक : चागले
भादली : रोगराई जास्त
बाजरी पिक : उत्तम
तांदूळ पिक : साधारण/ भावात तेजी
मठ पिक सर्व : साधारण
जवस् पिक : साधारण /नासाडी
लाख पिक : साधारण भावत तेजी
वाटाणा पिक : साधारण
गहू पिक : साधारण
हरबरा : साधारण/भाव कमी