चिखली पालिका पोटनिवडणूकीत ७ उमेदवारी अर्ज दाखल

चिखली नगर परिषदच्या प्रभाग ३ मधील एका जागेसाठी पोट निवडणूक.

चिखली (बुलडाणा): चिखली नगर परिषदच्या प्रभाग ३ मधील एका जागेसाठी होत असलेल्या पोट निवडणूकीसाठी अर्ज भरण्याच्या शेवटच्या दिवशी ७ उमेदवारांनी आपले अर्ज दाखल केले. नगरसेवक हाजी नईमखॉ यांच्या मृत्यूने ही जागा रिक्त झाली होती. त्या रिक्त जागेसाठी काँग्रेसच्या वतीने महम्मद जकाऊबा महंमद आजम, प्रकाश गोविंद सपकाळ, अब्दुल मोबीन अ.मतीन, भाजपाच्या वतीने प्रकाश विठ्ठलराव सोनुने यांच्या एकमेव अर्ज तर राष्ट्रवादीच्यावतीने गोंविद रामदास देव्हडे, अपक्ष सुनील किसन देव्हडे, महम्मद परवेज महम्मद इकबाल या सात लोकांनी आपले उमेदवारी अर्ज दाखल केले आहे. या निवडणुकीसाठी ५ जानेवारी २0१५पर्यत अर्ज परत घेण्याची मुदत असून १८ जानेवारीला मतदान होणार आहे. १९ जानेवारी ला मतमोजणी करण्यात येणार आहे. या मतदार संघात एकूण ८ हजार २९४ मतदार असून ४२२७ पुरुष मतदार व ४ हजार महिला मतदार आहे.