अंगणवाडीसेविका, पेन्शनर्सचे आंदोलन

विविध मागण्यांसाठी जिल्हाधिकार्‍यांना निवेदन : हक्कासाठी हजारो आंदोलनकर्ते उतरले रस्त्यावर

बुलडाणा, दि. २0- आपले हक्क व विविध न्याय्य मागण्यांकडे शासनाचे वारंवार दुर्लक्ष होत आहे. त्यामुळे या मागण्या प्रशासन दरबारी रेटून धरण्यासाठी आज जिल्हाधिकारी कार्यालयापुढे आंदोलन करण्यात आले. यात ईपीस १९९५ जनआंदोलन समिती या पेन्शनधारक संघटनेकडून पेन्शनर्सच्या हक्कासाठी तर महाराष्ट्र राज्य अंगणवाडी, बालवाडी कर्मचारी युनियन (आयटक) कडून अंगणवाडीसेविकेच्या मागण्यांसाठी आंदोलन करण्यात आले.पेन्शनधारकांच्या मागण्यांचा गेल्या बजेटमध्ये कुठलाही विचार झाला नाही, त्यामुळे आजही बरेच पेन्शनधारक विविध योजनांपासून वंचित आहेत, त्यामुळे पेंशनधारकांच्या विविध मागण्या प्रशासन दरबारी मांडण्यासाठी आज २0 मार्च रोजी ईपीस १९९५ जनआंदोलन समिती या पेन्शनधारक संघटनेकडून जिल्हाधिकारी कार्यालयापुढे आंदोलन करण्यात आले, यावेळी जिल्ह्यातील जवळपास तीन हजार पेन्शनधारक सहभागी झाले होते. भगतसिंग कोशियारी कमिटी लागू करा, एक हजार रुपये पेन्शन देण्याची घोषणा केल्यानंतर ५८ वर्षे वयोर्मयादेचा चुकीचा नियम लावण्यात आला, त्यामुळे ३0 लाख पेन्शनधारक लाभापासून वंचित आहेत. त्यामुळे ही अट रद्द करण्यात यावी, आदी विविध मागण्यांसाठी कमांडर अशोक राऊत यांच्या नेतृत्वात सदर आंदोलन करण्यात आले. स्थानिक टिळक नाट्य क्रीडा मंदिरपासून निघालेला मार्चा संगम चौक, जयस्तंभ चौक मार्गे जिल्हाधिकारी कार्यालयावर धडकला. यावेळी कमांडर अशोक राऊत, एन.एम.काझी, हिम्मतराव देशमुख, वीरेंद्र सिंग, बी.एम.कायंदे यांच्या शिष्टमंडळाने जिल्हाधिकार्‍यांना आपल्या विविध मागण्यांबाबत निवेदन दिले.यावेळी जिल्हाध्यक्ष वीरेंद्र सिंग यांनी मोर्चाला संबोधित केले, तसेच उपस्थित सर्व पेन्शनधारकांकडून महागाई भत्ता मिळण्याबाबत अर्ज भरुन घेण्यात येऊन भविष्य निर्वाह निधी कार्यालयास पोस्टाद्वारे पाठविण्यात आले. या आंदोलनात यावेळी बी.बी.चौधरी, एन.एम.कष्टे, विलास पाटील, जे.जे.गरकल, बी.एम.कायंदे, ए.एन. सुरोशे, एस.एन.बैरवार, एस.एम. सोमवंशी, महावीर काळे, अप्पा सुरडकर, डी.एस.पाटील, सुधीर चन्नकेशला, एस.एस.पवार, महंमद अकील, एस.एम.जैन, महंमद खान, मुकुंद देशपांडे, शेख जुगन, बाळा महाजन, हाजी चालक, व्ही.आर.लाडे, भास्करराव लहाने, श्रीराम शेळके, पंढरीनाथ कोल्हे, गोविंद सोनुने, आनंद चणखोरे, एस.ओ.गलबले, डी.आर. साळोख, पी.एच.पांधी यांच्यासह जिल्ह्याभरातील हजारो पेन्शनधारक महिला, पुरुष सहभागी झाले होते.