मराठी नवीन वर्षाचा प्रारंभ म्हणजेच गुढीपाडवा. यावर्षी तिथींच्या क्षयामुळे तारखेबाबत आणि वेळेबाबत संभ्रम असू शकतो, परंतु शास्त्रानुसार १९ मार्च २०२६ हाच दिवस नूतन वर्षारंभासाठी निश्चित करण्यात आला आहे. साडेतीन मुहूर्तांपैकी एक असलेल्या या दिवसाचे महत्त्व अनन्यसाधारण आहे.
Gudi Padwa 2026: नववर्षाच्या स्वागताला दारी रेखाटा स्वस्तिक आणि आकर्षित करा अनंत ऐश्वर्य!
गुढीपाडवा नक्की कधी आणि मुहूर्त काय?
यावर्षी १८ मार्चला फाल्गुन अमावस्या असून तिची समाप्ती १९ मार्चला सकाळी ६ वाजून ५२ मिनिटांनी होत आहे. त्यानंतरच चैत्र शुद्ध प्रतिपदा सुरू होईल आणि त्याबरोबरच चैत्र नवरात्र तथा श्रीराम नवरात्र सुरु होईल.
गुढी उभारण्याची शुभ वेळ: सकाळी ६:५३ नंतर कधीही.
पंचांग आणि गणपती पूजन: सकाळी ६:५३ नंतरच करावे.
विशेष टीप: अमावस्या संपल्यानंतरच नवीन वर्षाची तिथी लागू होत असल्याने, सर्व धार्मिक विधी ६:५३ नंतर करणे शास्त्रोक्त ठरेल.
गुढी उभारण्याची शास्त्रोक्त पद्धत (Gudi Kashi Ubharavi)
गुढीला 'ब्रह्मध्वज' असेही म्हटले जाते. तिची उभारणी करताना खालील गोष्टींचे पालन करावे:
स्वच्छता व स्नान: पहाटे उठून घर स्वच्छ करावे आणि अभ्यंगस्नान करावे.
तोरण व रांगोळी: मुख्य प्रवेशद्वाराला आंब्याची पाने आणि झेंडूच्या फुलांचे तोरण बांधावे. अंगणात सुंदर रांगोळी काढावी.
गुढीची तयारी: वेळूची (बांबूची) काठी धुवून स्वच्छ करावी. त्याच्या टोकाला भरजरी वस्त्र, गाठी (साखरेची माळ), कडुनिंबाची डहाळी आणि फुलांची माळ बांधावी.
कलश: काठीच्या टोकावर तांब्याचा किंवा चांदीचा तांब्या (गडू/लोटी) पालथा घालावा.
उभारणी: सर्व कुटुंबीयांच्या उपस्थितीत ही गुढी उंच ठिकाणी उभारावी.
Gudi Padwa 2026: अनेक प्रयत्न करूनही घरात पाळणा हलत नसेल, तर गुढीपाडव्यापासून करा 'हे' व्रत!
कडुलिंबाचा प्रसाद: आरोग्याची गुरुकिल्ली
गुढी उभारल्यानंतर कडुलिंबाची कोवळी पाने, मिरी, हरभऱ्याची डाळ, ओवा, मीठ आणि हिंग यांचे मिश्रण एकत्र करून त्याचा प्रसाद सर्वांना द्यावा.
महत्त्व: हा प्रसाद शरीर तेजस्वी आणि निरोगी बनवतो. उन्हाळ्याच्या सुरुवातीला शरीरातील उष्णता नियंत्रित करण्यासाठी हे 'अमृत' मानले जाते.
पंचांग वाचन आणि राम नवरात्र
पंचांग पूजन: नवीन पंचांगाची पूजा करून त्यातील 'वर्षफल' (वर्षभराचे भविष्य) सर्वांनी मिळून वाचावे.
राम नवरात्र: याच दिवसापासून श्रीराम नवरात्र व वासंतिक नवरात्र सुरू होते. यंदा मंदिरात जाणे शक्य नसल्यास घरातील रामरायाची पूजा करून रामरक्षा स्तोत्राचे पठण करावे.
Palmistry: अचानक धनलाभाची संधी कशी मिळते, हे तुमची हस्तरेषा सांगते; कसे ते पहा
गुढी कधी उतरवावी?
दिवसभर आनंदाने सण साजरा केल्यानंतर, सूर्यास्तापूर्वी गुढीला हळद-कुंकू आणि अक्षता वाहून मनोभावे नमस्कार करावा आणि गुढी सन्मानाने उतरवावी.
महत्त्वाचे:
गुढीपाडवा हा साडेतीन मुहूर्तांपैकी एक पूर्ण मुहूर्त आहे. त्यामुळे या दिवशी कोणत्याही नवीन कार्याचा शुभारंभ, खरेदी किंवा गुंतवणुकीसाठी हा दिवस अत्यंत लाभदायक मानला जातो.
Web Summary : Gudi Padwa 2026 falls on March 19th. The auspicious time to raise the Gudi is after 6:53 AM. The article details the rituals, significance of neem leaves, and the tradition of Panchang reading. It also explains when to lower the Gudi, emphasizing the day's auspiciousness for new beginnings.
Web Summary : गुड़ी पड़वा 2026, 19 मार्च को है। गुड़ी उठाने का शुभ समय सुबह 6:53 बजे के बाद है। लेख में अनुष्ठानों, नीम के पत्तों का महत्व और पंचांग पढ़ने की परंपरा का विवरण दिया गया है। यह गुड़ी को नीचे करने का समय भी बताता है, और नए कार्यों के लिए दिन की शुभता पर जोर देता है।