बीड : महाविकास आघाडी सरकार मराठा आरक्षणाच्या कायम बाजूने व सकारात्मक असून, समाजाला आरक्षण मिळवून देण्यासाठी सर्व आवश्यक प्रयत्न केले जातील, असा विश्वास राज्याचे सामाजिक न्याय व विशेष साहाय्य मंत्री धनंजय मुंडे यांनी खासदार छत्रपती संभाजीराजे भोसले यांच्याशी बोलताना व्यक्त केला आहे.
खासदार छत्रपती संभाजीराजे छत्रपती भोसले हे बीड जिल्हा दौऱ्यावर असताना बीड शहरातील शासकीय विश्रामगृहात जिल्ह्याचे पालकमंत्री धनंजय मुंडे यांनी त्यांचे शाल व पुष्पगुच्छ देऊन स्वागत केले. यावेळी बीडचे आमदार संदीप क्षीरसागर, बजरंग सोनवणे, सय्यद सलीम, सुनील धांडे, प्रा. मधुकर आघाव यांच्यासह मराठा क्रांती मोर्चा समन्वयक गंगाधर काळकुटे, अशोक हिंगे, शंकर कापसे यांसह आदी उपस्थित होते.
मराठा समाजाला आरक्षण मिळावे, या चळवळीतील मी अत्यंत सुरुवातीपासूनचा कार्यकर्ता असून, सदैव आंदोलन व मोर्चात सक्रिय सहभाग घेतलेला आहे, असेही यावेळी धनंजय मुंडे म्हणाले. मुंडेंच्या या भूमिकेचे खासदार छत्रपती संभाजीराजे भोसले यांनी स्वागत केले.
020721\02_2_bed_11_02072021_14.jpeg