स्कुटी- मोटरसायकलच्या धडकेत कुप्पा येथील एक ठार तर एक गंभीर

परभणी जिल्ह्यातील पाथरी तालुक्यातील पुरा गावातील विजय महादेव पवने (वय 35 वर्षे)व किरण प्रकाश कुऱ्हाडे (वय 30 वर्षे) हे आपल्या स्कुटी क्रमांक एम एच २२-एआर ११४५ वरून माजलगावकडे येत होते. यावेळी वडवणी तालुक्यातील कुप्पा येथील रहिवासी असलेले गोरख पापा पवार यांच्या माजलगाव शहरातून बाहेर जाणाऱ्या पॅशन प्रो गाडी क्रमांक एम. एच. २३ एस ४५३६ या गाडीवर धडकले. झालेल्या या अपघातात गोरख पवार यांच्या डोक्याला गंभीर दुखापत झाली तर विजय पवने यांनाही मोठ्या प्रमाणात इजा झाली. यावेळी लोकांनी तत्काळ ही माहिती कळवल्याने १०८ रुग्णवाहिका क्र. एम एच ४४ सी एम ८६५ घेऊन पायलट अर्जुन राठोड व डॉ.सचिन कदम यांनी जखमींवर ग्रामीण रुग्णालयात उपचार केले. प्रकृती गंभीर असल्याने गोरख पवार यांना बीड जिल्हा रुग्णालयात उपचारासाठी नेत असताना वाटेतच त्यांचा मृत्यू झाला. महादेव पवने या दुसऱ्या गंभीर जखमीस परभणी येथे रुग्णालयात उपचारासाठी हलवण्यात आले आहे.