Mahindra Thar: देशातील आघाडीची कार उत्पादक कंपनी Mahindra ने भारतीय सुरक्षा दलांसाठी खास ATV (ऑल-टेरेन व्हेईकल) वाहन तयार केले आहे. हे वाहन Mahindra Thar Roxx वर आधारित असून अवघड भूप्रदेश, सीमावर्ती भाग आणि लष्करी मोहिमांसाठी विशेष डिझाइन करण्यात आले आहे. कंपनीचे प्रमुख आनंद महिंद्रा यांनी या वाहनाची माहिती दिली. भारतीय सैन्याच्या ट्रायलनंतर गरजेनुसार या वाहनांची खरेदी केली जाऊ शकते.
कठीण रस्त्यांसाठी खास डिझाइन
Mahindra च्या या ATV मध्ये ऑफ-रोड क्षमतेला प्राधान्य देण्यात आले आहे. त्यामुळे खडकाळ, डोंगराळ आणि चिखलयुक्त भागातही हे वाहन सहज चालू शकते.
वाहनात खालील विशेष फीचर्स देण्यात आले आहेत:
- ऑल-टेरेन टायर्स
- मजबूत रोल केज
- मेटल रॉक स्लाइडर्स
- अंडरबॉडी प्रोटेक्शन
- विंचसह मजबूत बंपर
- डबल स्पेअर व्हील कॅरियर
- जेरीकॅन होल्डर
- दुर्गम भागात दुरुस्तीसाठी बोनटवर फार्म जॅक
दमदार इंजिन आणि 4x4 सिस्टम
या ATV मध्ये Thar Roxx चे २.२ लिटर डिझेल इंजिन देण्यात आले आहे. इंजिनची क्षमता १७२ हॉर्सपॉवर पॉवर आणि ४०० Nm टॉर्क असून, हे इंजिन ६-स्पीड टॉर्क कन्व्हर्टर ऑटोमॅटिक ट्रान्समिशनशी जोडलेले आहे. तसेच वाहनात 4x4 ड्राइव्हट्रेन देण्यात आली आहे, ज्यामुळे कठीण रस्त्यांवर अधिक चांगली पकड मिळते.
सस्पेन्शन सिस्टमही मजबूत
वाहनाच्या पुढील बाजूस डबल-विशबोन सस्पेन्शन देण्यात आले आहे, तर मागील बाजूस मल्टी-लिंक सस्पेन्शनचा वापर करण्यात आला आहे. गरजेनुसार इंडिपेंडंट स्प्रिंग्सचा पर्यायही उपलब्ध आहे.
लष्करी वापरासाठी विशेष बदल
- हे वाहन Thar Roxx वर आधारित असले तरी संरक्षण क्षेत्रातील गरजा लक्षात घेऊन त्यात खालील बदल करण्यात आले आहेत:
- LED हेडलाइट्स
- सहा-स्लॅट ग्रिल
- मेटल ट्यूबद्वारे मजबूत विंडशील्ड
- लाइटिंग माउंट्स
- एअरड्रॉपसाठी मजबूत होइस्ट ब्रॅकेट
वाहनाच्या मागील भागात सैनिकांचे साहित्य सुरक्षित ठेवण्यासाठी MOLLE (Modular Lightweight Load-Carrying Equipment) स्टोरेज सिस्टम देण्यात आली आहे.
महिंद्राचा संरक्षण क्षेत्रातील अनुभव
महिंद्रा याआधीही भारतीय सैन्यासाठी अनेक विशेष वाहने तयार करत आली आहे.
कंपनीची संरक्षण क्षेत्रातील प्रमुख वाहने:
- Mahindra Armado
- Mahindra Marksman
- Mahindra Scorpio Classic
आता नव्या ATV मुळे भारतीय सुरक्षा दलांची ताकद आणखी वाढण्याची शक्यता व्यक्त केली जात आहे.
सीमावर्ती मोहिमांसाठी ठरणार उपयुक्त
उच्च दर्जाची ऑफ-रोड क्षमता, दमदार इंजिन आणि लष्करी गरजेनुसार केलेले बदल यामुळे Mahindra चे हे ATV भविष्यात भारतीय सैन्यासाठी महत्त्वाचे वाहन ठरू शकते. विशेषतः दुर्गम भागातील ऑपरेशन्स आणि सीमावर्ती मोहिमांमध्ये या वाहनाचा मोठा उपयोग होण्याची शक्यता आहे.
Web Summary : Mahindra developed a special ATV based on Thar Roxx for Indian security forces. It features off-road capabilities, a powerful diesel engine, 4x4 system, and military-specific modifications like a reinforced windshield and MOLLE storage. This vehicle is designed for challenging terrains and border operations, enhancing the army's capabilities.
Web Summary : महिंद्रा ने भारतीय सुरक्षा बलों के लिए थार रॉक्स पर आधारित एक विशेष एटीवी विकसित किया। इसमें ऑफ-रोड क्षमताएं, एक शक्तिशाली डीजल इंजन, 4x4 सिस्टम और सैन्य-विशिष्ट संशोधन जैसे प्रबलित विंडशील्ड और एमओएलएलई स्टोरेज हैं। यह वाहन चुनौतीपूर्ण इलाकों और सीमा संचालन के लिए डिज़ाइन किया गया है, जो सेना की क्षमताओं को बढ़ाता है।