मंगरूळ चवाळामध्ये काँग्रेस सेना पॅनल
नांदगाव खंडेश्वर : तालुक्यातील मंगरूळ चव्हाळा या ११ सदस्यीय मोठ्या ग्रामपंचायतीमध्ये काँग्रेस व सेना युतीच्या पॅनलने तब्बल १० जागा पटकाविल्या. येथे महाआघाडीला निर्भेळ यश मिळाले. यात काँग्रेस व शिवसेनेच्या नेतृत्वातील पॅनलला प्रत्येकी पाच जागा मिळाल्या. भाजपप्रणीत पॅनलला मात्र एकाच जागेवर समाधान मानावे लागले. या निवडणुकीत निखिल देशमुख, लक्ष्मी खांडेकर, नीलेश निंबरते, अश्विनी चवाळे, अतुल ठाकुर, शोभा चवाळे, रेश्मा शिरभाते, रामदास कोचडे, राजेश पारधी, सविता झोपटे व सुनिता टेवरे हे उमेदवार विजयी झाले. या ग्रामपंचायत निवडणुकीत शिवसेनेचे बाळासाहेब राणे, विनोद पिंपळकर, नंदकिशोर राणे, तसेच काँग्रेसचे मोरेश्वर शिरभाते, अतुल ठाकुर अ.सलामभाई व गजानन काकडे यांच्या मार्गदर्शनात या पॅनलने विजय संपादन केला.
----------------------
लोणी येथे महाआघाडी
नांदगाव खंडेश्वर : तालुक्यातील लोणी ग्रामपंचायतमध्ये काँग्रेस व शिवसेना महाआघाडीच्या पॅनलने ११ पैकी सहा जागा पटकावल्या. शिवसेनेचे बाळासाहेब भागवत व काँग्रेसचे प्रवीण सवाई यांच्या नेतृत्वात हे पॅनल लढवले गेले. भाजपला पाच जागा मिळाल्या. या निवडणुकीत मंगला शेवतकर, सूरज औतकर, रोशनी खडसे, नीलेश लोहकरे, विनय बोबडे, प्रतीक्षा आखरे, तसेच वैष्णवी तिखीले, रोशन मुंदाने, दीपक तिखले, प्रीती लोहकरे, अब्दुल अमिनाबी हे उमेदवार विजयी झाले.
---------------------------