Amravati Crime : जमिनीच्या वादातून सख्ख्या भावानेच केला भावाचा खून; नागपुरी गेट परिसरात खळबळ

नागपुरी गेट परिसरात खळबळ : ‘टिम क्राईम’कडून मुख्य आरोपीला बेड्या

अमरावती: शहरातील नागपुरी गेट पोलिस स्टेशनच्या हद्दीत येणाऱ्या छायानगर परिसरात जमिनीच्या वादातून सख्ख्या भावानेच भावाचा खून केल्याची धक्कादायक घटना शुक्रवारी, १ मे रोजी रात्री १०:३० वाजेच्या सुमारास घडली. या हल्ल्यात एका भावाचा मृत्यू झाला असून, दुसरा गंभीर जखमी झाला आहे.

मोहमद मकसूद मोहमद लुकमान (५७, रा. नूर नगर) असे मृताचे नाव आहे. पोलिसांनी याप्रकरणी मुख्य आरोपी अब्दुल तसकीन मोहमद लुकमान (६०) याला तातडीने ताब्यात घेतले असून, त्याचे दोन साथीदार सध्या फरार आहेत.