अकोला : जिल्ह्यात शनिवार, २४ जुलै रोजी आरटीपीसीआर चाचण्यांमध्ये आणखी पाच पॉझिटिव्ह रुग्ण आढळून आल्याने आतापर्यंत बाधित झालेल्यांची संख्या ५७,७४६ झाली आहे. दरम्यान, दोन जणांनी कोरोनावर मात केल्याने त्यांना डिस्चार्ज देण्यात आला.
{{#config.logo.enabled}}
{{/allowed}}शासकीय वैद्यकीय महाविद्यालयाच्या व्हीआरडीएल लॅबकडून शनिवारी आरटीपीसीआर चाचण्यांचे १६६ तपासणी अहवाल प्राप्त झाले. यापैकी पातूर येथील तीन, तर अकोला शहरातील दोन अशा पाच जणांचे अहवाल पॉझिटिव्ह आहेत, तर उर्वरित १६१ जणांचे अहवाल निगेटिव्ह आहेत. शुक्रवारी करण्यात आलेल्या १२५ रॅपिड चाचण्यांमध्ये एकही पॉझिटिव्ह आढळून आला नाही.
५७ ॲक्टिव्ह रुग्ण
शनिवारी शासकीय वैद्यकीय महाविद्यालयातून दोन जणांना डिस्चार्ज देण्यात आला. कोरोनावर मात करणाऱ्यांची संख्या ५६,५५६ झाली आहे. आता ५७ ॲक्टिव्ह रुग्ण असून, त्यांच्यावर उपचार सुरू आहेत.