शिरपूर बसस्थानक परिसरात सर्वधर्मीयांकडून शिवजयंती साजरी

दरवर्षी शिरपूर येथील सर्वधर्मीय शिवप्रेमींच्यवतीने छत्रपती शिवाजी महाराजांची जयंती मोठ्या उत्साहात साजरी केली जाते. यावर्षीही कोरोनाच्या नियमांचे पालन करीत स्थानिक बसस्थानक चौक परिसरात शिवजयंती साजरी करण्यात आली. यामध्ये सर्वप्रथम उपस्थित मान्यवर पोलीस निरीक्षक सुनील वानखेडे, सहायक पोलीस निरीक्षक अजय महाले, अमृतराव देशमुख, पप्पू देशमुख, संजय जाधव, गजानन जाधव या मान्यवरांच्या हस्ते छत्रपती शिवाजी महाराज यांच्या प्रतिमेसह राजमाता जिजाऊ यांच्या प्रतिमेचे पूजन करण्यात आले. यावेळी छत्रपती शिवाजी महाराज की जय अशा घोषणा देण्यात आल्या, तसेच अमोल देशमुख, देविदास जाधव, विलास देशमुख, विशाल परिहार, श्रीकांत जहिरव, सचिन जाधव, बंडू जाधव, सलीम मंडपवाले, किशोर प्रकाशराव देशमुख, संदीप देशमुख, सुखदेव देशमुख, अमर देशमुख, विशाल देशमुख, बाळू देशमुख, प्रशांत देशमुख, बंडू देशमुख, आतिश जाधव, किशोर जाधव, राजू जाधव, भागवत बोराटे, राम देशमुख, श्याम वाघ, बजरंग देशमुख, विनायक देशमुख, कृष्णा वाढे, शशिकांत देशमुख, गजानन देशमुख, गोपाल वाढे, सुभाष कांबळे यांच्यासह सर्व उपस्थितांनी छत्रपती शिवाजी महाराज यांच्या प्रतिमेचे पूजन करून अभिवादन केले. कार्यक्रमस्थळी राम देशमुख या युवकाने छत्रपतींची सुंदर रांगोळी रेखाटली होती.