नंदकिशोर नारे
वाशिम : जिल्ह्यात भाजपा व शिवसेना लाेकप्रतिनिधींमधील भ्रष्टाचाराचे आराेप-प्रत्याराेप, भांडण, घाेटाळ्यांच्या आराेपांमुळे दाेन्ही पक्षांतील पदाधिकारी व कार्यकर्ते संभ्रमात पडले आहेत. खरे, खाेटे काय याची चर्चा रंगत असून खरेच आपल्या नेत्याने घाेटाळा केला असेल का? अशी चर्चा हाेतांना दिसून येत आहे. असे असले तरी आपलाच नेता पारदर्शक असल्याचा दावाही करण्यात येत आहे.
वाशिम जिल्ह्यात बाेटावर माेजण्याइतपत लाेकप्रतिनिधी आहेत. त्यातही विकासाची जाण व विकास करण्याची क्षमता असलेल्याच लाेकप्रतिनिधींमध्ये आराेप-प्रत्याराेप हाेत असल्याने जिल्ह्याच्या विकासाचे काय असा प्रश्न निर्माण झाला आहे. खासदार भावना गवळी यांनी १०० काेटी रुपयांचा घाेटाळा केल्याचा आराेप भाजपा नेते किरीट साेमय्या यांनी केला. यासंदर्भात पत्रकार परिषद भाजपाच्या कार्यालयात घेण्यात आली. यावेळी आमदार राजेंद्र पाटणी उपस्थित असल्याने हे सर्व कटकारस्थान पाटणी यांचे असल्याचे बाेलले जात आहे. शिवसैनिक तर चक्क आमदार पाटणी यांचेच षड्यंत्र असल्याचे म्हणत आहेत. भावना गवळी यांच्या संस्थांची ईडीकडून चाैकशी सुरू झाली. जिल्ह्यात दाेनदा ईडीचे अधिकारी येऊन गेलेत. तसेच आमदार राजेंद्र पाटणी कुटुंबीयांनी ५०० काेटी रुपयांच्या जमीन खरेदी-विक्रीमध्ये घाेटाळा केल्याचा आराेप खासदार भावना गवळी यांनी केला. अनेकांच्या जमिनी बळकावल्या. त्यांची सुध्दा चाैकशीची मागणी त्यांनी केली. यामुळे दाेन्ही पक्षातील कार्यकर्ते संभ्रमात पडले असून आपल्या नेत्यांनी खरेच एवढा माेठा घाेटाळा केला असेल का यावर चर्चा करताना दिसून येत आहेत. काही जण तर विविध घटना सांगून घाेटाळ्याची शक्यता असल्याचेही म्हणत आहेत. यातील एकनिष्ठ कार्यकर्ते विनाकारण काही बडबड करू नका असेही म्हणत आहेत. दाेन्ही पक्षातील नेते आता आपल्याच नेत्यांच्या घाेटाळ्याची चर्चा आपसात करीत आहेत. असे असले तरी चारचाैघांमध्ये वावरताना मात्र हे आमच्या नेत्याबाबत षड्यंत्र असून जनतेसाठी काय केले याचा पाढा वाचतांना दिसून येत आहेत.
जिल्हयात लाेकप्रतिनिधीमध्ये सुरु झालेल्या आराेप प्रत्याराेपाने मात्र चांगलेच राजकीय वातावरण तापले तापलेले दिसून येत आहे.
आमदार पाटणींचीही चाैकशी लागल्याची शिवसैनिकांत चर्चा
भाजपा नेते किरीट साेमय्या यांनी खासदार भावना गवळी यांनी ५०० काेटीच्या घाेटाळयाच्या आराेपानंतर इडीकडून चाैकशी सुरु झाली. आता काही शिवसेैनिक भावनाताई यांनी आमदार राजेंद्र पाटणी कुटुंबियासंदर्भात ५०० काेटी रुपयांची चाैकशी सुरु असल्याची चर्चा करताना दिसून येत आहेत.
इडीच्या चाैकशी पुढे सर्व पुढे येणार असल्याची भाजपा कार्यकर्त्यांत चर्चा
खासदार भावना गवळी यांच्या संस्थांची ईडीकडून चाैकशी सुरु झाल्याने भाजपा कार्यकर्ते जाेमात दिसून येत आहेत. ईडी काेणालाही साेडत नाही, आता चाैकशीत सर्व घबाड बाहेर येणार असल्याची चर्चा करताना दिसून येत आहेत. इडीचे अधिकारी आता कधीही जिल्हयात येऊन चाैकशी करणार असल्याचेही बाेलत आहेत.