गॅस वितरकांना शहरी भागात १५ किलोमीटर तसेच ग्रामीण भागात ३० किलोमीटरपर्यंत विनामूल्य घरपोच सेवा देणे अपेक्षित आहे. तथापि, गॅॅस वितरकांकडून घरपोच सिलिंडर पोहाेचविणाऱ्या डिलिव्हरी बाॅयचे वेगळे शुल्क वसूल करीत असल्याचे चित्र जिल्ह्यात पाहायला मिळत आहे. गेल्या दोन वर्षांत केंद्र शासनाच्या उज्ज्वला योजनाअंतर्गत अनेक गरीब व गरजू नागरिकांना एलपीजी गॅस जोडण्या देण्यात आल्या. यापैकी अनेक उज्ज्वला लाभार्थी दुर्गम भागांत राहात असल्याने त्यांना स्वत: वितरकाकडून येऊन फेरभरणी केलेली जोडणी घेऊन जावे लागत असते. मात्र रोख रक्कम पद्धतीने एलपीजी सिलिंडर विकत घेताना काही ठिकाणी त्याच्या देयकांमधील वितरण शुल्क कमी करण्यात येत नसल्याच्या तक्रारीदेखील पुढे येत आहेत.
००००००००००००
वितरक काय म्हणतात?
कोट: काही ग्राहकांना त्यापूर्वी नव्याने भरलेला सिलिंडर हवा असल्यास असे ग्राहक वितरण केंद्रावर रोख रक्कम देऊन स्वत: सिलिंडरची वाहतूक करतात. अशा पद्धतीने वितरकाकडून स्वत: सिलिंडर घेऊन जाणाऱ्या ग्राहकांच्या देयकातून २० रुपये इतके वितरण शुल्क वगळण्यात येते.
- आशिष हुरकट
गॅस वितरक, तथा जिल्हाध्यक्ष एसबीसी असोसिएशन,
००००००००००००००००
कोट: शासनाने निर्धारित केलेल्या दरातच ग्राहकांना सिलिंडर दिले जाते. वितरकांकडून घरपोच डिलिव्हरीसाठी अतिरिक्त शुल्क आकारले जात नाही. त्यामुळे डिलिव्हरी बॉयच्या २० रुपये शुल्काची पावती देण्याचा प्रश्नच उद्भवत नाही. डिलिव्हरी बॉय अतिरिक्त शुल्क आकारत असेल, तर ग्राहकाने तक्रार करावी.
-मिलिंद सोनोने
गॅस वितरक, तथा सचिव एसबीसी असोसिएशन,
डिलिव्हरी बॉयला वेगळे २० रुपये कशासाठी?
कोट: गॅसच्या किमती एकीकडे हजाराच्या घरात गेल्या असताना घरपोच डिलिव्हरीसाठी अतिरिक्त २० रुपये घेतले जातात. याची कुठलीही पावती दिली जात नाही. हे अतिरिक्त पैसे घेणे योग्य आहे कय, याची प्रशासनाने दखल घ्यावी.
- सारिका पवार,
गृहिणी
----------
कोट: शासनाने स्वयंपाकाच्या गॅस सिलिंडरच्या दरात वितरण शुल्काचा अंतर्भाव केला आहे. गेल्या कित्येक महिन्यांपासून मात्र गॅस वितरक घरपोच डिलिव्हरीसाठी अतिरिक्त २० रुपये शुल्क आकारते. याची चौकशी का केली जात नाही, असा आमचा प्रश्न आहे.
-शालिनी ठोक,
गृहिणी
००००००००००००
२) वर्षभरात ३०० रुपयांची वाढ (बॉक्स)
घरगुती गॅस सिलिंडरच्या दरात गेल्या वर्षभरात ३०० रुपयांची वाढ झाली आहे. वर्षभरापूर्वी गॅस सिलिंडरचे दर ६१४ रुपयांपर्यंत होते; परंतु मागील काही महिन्यांत गॅस सिलिंडरच्या दरात सातत्याने वाढ होत असल्याने वर्षभरातच सिलिंडरचे दर ९०५ रुपयांपर्यंत पोहोचले आहेत. त्याची झळ ग्राहकांना सोसावी लागत आहे.
१) सध्याचा गॅस सिलिंडर दर - ९०५ रुपये
शहरातील एकूण ग्राहक - ४७,२८०