नालासोपारा: पेल्हार परिसरात शिरच्छेद केलेल्या हत्याकांडाचे गूढ १२ तासांत पोलिसांनी उघडकीस आणले. डॉग स्कॉड व शरीरावरील टॅटूच्या आधारे मृताचे नाव अशोकसिंग राजपूत (३२) असल्याचे समजले असून, या प्रकरणात दिनेशकुमार प्रजापती (२७) व संदीप तिवारी (२५) यांना बेड्या ठोकल्या. या आरोपींनी धडावेगळे केलेले मुंडके खानिवडे खाडीतून जप्त केल्याचे पोलिस उपायुक्त सुहास बावचे यांनी सांगितले.
आंबेपाडा येथे सोमवारी सकाळी एका गोणीत मुंडके नसलेले धड आढळले होते. मृतदेहाचे मुंडके नसल्याने मृताची ओळख पटविणे हे पोलिसांसमोर मोठे आव्हान होते. मृत व्यक्तीच्या उजव्या हातावर 'अशोकसिंह' असे नाव आणि बदामाचे चिन्ह गोंदलेले होते. त्या आधारे पेल्हारच्या गुन्हे प्रकटीकरण पथकाने १२ तासांत १०० ते १५० सीसीटीव्ही कॅमेऱ्यांचे फूटेज तपासले. संशयित वाहनांचा शोध घेतला. दोघांनी मित्र अशोकसिंग करमसिंग राजपूत याचा खून केल्याचे स्पष्ट झाले. आरोपी दिनेशकुमार आणि मयत अशोकसिंग यांच्यामध्ये भागीदारीत किराणा माल विक्रीचा व्यवसाय होता. आर्थिक वादातून आरोपींनी अशोकसिंग याची हत्या केली होती.
Web Summary : Nalasopara police solved a headless murder case within 12 hours. A tattoo helped identify the victim as Ashok Singh Rajput. Two suspects, Dinesh Kumar Prajapati and Sandeep Tiwari, were arrested. The head was recovered from Khanivade creek. Financial disputes over a business partnership led to the murder.
Web Summary : नालासोपारा में सिर कटी लाश का मामला 12 घंटे में सुलझा। टैटू से मृतक की पहचान अशोक सिंह राजपूत के रूप में हुई। दिनेश कुमार प्रजापति और संदीप तिवारी गिरफ्तार। खानिवडे खाड़ी से सिर बरामद। व्यापारिक साझेदारी में आर्थिक विवाद के कारण हत्या हुई।