अध्यात्मिक ताज्या मराठी बातम्या | spiritual Online News in Marathi at Lokmat.com

- सद्गुरू जग्गी वासुदेवतुम्ही करत असलेला योगाभ्यास, ध्यानसाधनेशी तुमचा जोडीदार सहमत नसेल, तर काय करावं आणि याचं महत्त्व जोडीदाराला कसं पटवून द्यावं? तुम्हाला तुमच्या आध्यात्मिक प्रक्रियेत जोडीदाराचं सहकार्य हवं असेल, तर तुम्ही तुमची आध्यात्मिक प्रक्रिया त्याच्यासाठी फायदेशीर बनविली पाहिजे. योगाभ्यासामुळे तुम्ही किती उत्साही, आनंदी आणि अद्भुत झालात हे त्याने पाहिलं पाहिजे. मग तो म्हणेल, ‘चल, ध्यान करू या! तू आज तुझी ध्यानधारणा केलीस का?’ परंतु तुमची आध्यात्माची संकल्पना जर तुमच्या कुटुंबाला असं सांगण्याची असेल की, ‘मी आजपासून जेवण बनवणार नाही, मी तुम्हाला फक्त शेंगदाणे खायला देणार. भिजवलेल्या शेंगदाण्यामध्ये सर्व काही असतं, असं मला ईशायोगामध्ये सांगण्यात आलं आहे,’ तर मात्र हे लागू पडणार नाही. तुम्ही हे पाहिलं पाहिजे की, तुमची योग साधना त्याच्या कामी येत आहे आणि तो ज्याला ओळखायचा त्याहून कितीतरी अद्भुत व्यक्ती तुम्ही आज बनला आहात. मग तो खात्रीने तुम्ही तुमच्या सकाळच्या क्रि या करत आहात का याकडे लक्ष देईल, ज्यामुळे संपूर्ण कुटुंबाचं कल्याण साधलं जात आहे, पण अशीही काही कुटुंबे आहेत, जिथे कुणी १५ मिनिटे जरी ध्यान करत असेल, तर येतील आणि त्यांना हलवत म्हणतील, ‘तू डोळे बंद करून का बसला आहेस?’ तुम्ही जर अशा परिस्थितीत सापडला असाल, जिथे प्रत्येक नवीन गोष्टीला विरोध होत आहे, जिथे सर्वांना प्रत्येक लहान-सहान गोष्टींबद्दल असुरक्षितता वाटते; मग तुम्हाला कुटुंब आहे, असं मला वाटत नाही. क्षमा करा, मी फार निर्दयी आहे, पण याचा सामना करू या. कुटुंब म्हणजे २ किंवा ४ लोक, जे एकमेकांच्या कल्याणासाठी झटत आहेत. त्यांना एकमेकांविषयी आस्था आहे. पण जर तिथं काहीच काळजी नसेल, तर मग तुम्हाला खरंच कुटुंब नाही. या गोष्टीकडे डोळसपणे बघण्याची हीच वेळ आहे.

अध्यात्मिक, मराठी बातम्याFOLLOW

Spiritual, Latest Marathi News

देव तर ह्रदयातच आहे ...

आपण अन्यायाने वागून, दुसºयाकडून चांगुलपणाची अपेक्षा करणे खचितच गैर आहे. ...

मनातील कल्पनांनुसार इंद्रियांना चालना ...

संतांना सुख कसे प्राप्त होते व संसारी जीवाला का प्राप्त होत नाही..? ...

भारतीय जीवनमार्गाचे अनेक मार्ग आपल्याला दिसत असले तरी, त्यातील कृष्णविचार हा अतिशय महत्वाचा सिद्धांत आहे. ...

आकर्षणाच्या मोहापासून जे स्वत:ला सांभाळून घेतात ते सहसा त्या जाळ्यात अडकत नाहीत. ...

जेव्हा धर्म साकडला होता, संकटात होता, तेव्हा श्रीराम आपल्या धनुष्यासी एकरूप झाले. ...