फुलशेतीFOLLOW

Zendu Flower Market : दसऱ्याच्या तोंडावर झेंडू फुलांचा बाजार अक्षरशः फुलून गेला. बीड येथील बाजारात चार हजार क्विंटलपेक्षा जास्त झेंडूची आवक झाली. सकाळी शंभरीने सुरुवात झालेल्या दराने दुपारी दीडशे रुपये गाठले, पण सायंकाळी अचानक पावसाचा सडाका बसताच भाव थेट ३० रुपयांवर आला. (Zendu Flower Market)शेतकऱ्यांच्या मेहनतीच्या फुलांचा खरा फायदा व्यापाऱ्यांनी घेतल्याची खंत शेतकऱ्यांमध्ये व्यक्त होत आहे. (Zendu Flower Market)बीड , नांदेड जिल्ह्यातील अतिवृष्टीने शेतकरी आणि फुलशेतीला मोठा फटका दिला. तरीही दसऱ्यानिमित्त बीडमध्ये झेंडूची तब्बल ४ हजार क्विंटल आवक झाली. (Zendu Flower Market)तर नांदेडमध्ये झेंडू उत्पादकांनी जिवाचा आटापिटा करून फुले वाचवली; मात्र व्यापाऱ्यांनी कमी भावाने खरेदी करून बाजारात दुप्पट, तीनपट दराने विक्री केली. यामुळे शेतकऱ्यांच्या अपेक्षांवर पाणी फिरले. (Zendu Flower Market)बीडमध्ये रंगला झेंडू बाजारदसऱ्याच्या दिवशी बीड शहरात झेंडू फुलांची मोठी आवक झाली. जालना रोड, अण्णाभाऊ साठे चौक, सुभाष रोड, डीपी रोड परिसर झेंडू विक्रीसाठी फुलून गेला होता.सकाळी भाव: १०० रुपये किलोदुपारी भाव: १५० रुपये किलोसायंकाळी भाव: ३० रुपये किलो (पावसामुळे भाव कोसळले)पाटोदा तालुक्यातील शेतकरी पोपट वीर यांनी १६ गुंठ्यात झेंडू लावला होता. त्यापैकी ८ गुंठे पावसात सडले. उर्वरित झेंडू बीड बाजारात आणला असता चांगली मागणी मिळाली. मात्र, मुबलक आवक व पावसामुळे भाव खाली आल्याने विक्रीत चढ-उतार दिसून आले.नांदेडमध्ये शेतकऱ्यांची मेहनत, व्यापाऱ्यांचा नफानांदेड जिल्ह्यातील शेतकऱ्यांनी अतिवृष्टीच्या तडाख्यात झेंडू पिकवण्यासाठी जीवाचा आटापिटा केला. पडलेली झाडे बांबू व आडोशाने उभी केली, औषधे फवारून फुलांचे रक्षण केले. तरीही फुलांच्या भावात अपेक्षित वाढ झाली नाही.शेतकऱ्यांकडून खरेदी दर : ३० ते ४० रुपये किलोबाजारभाव : ८० ते १०० रुपये किलोहार विक्री : ४०० ते ५०० रुपये प्रति नगव्यापाऱ्यांनी फुलं भिजलेली आहेत, झेंडू सडला आहे असे कारणे देत शेतकऱ्यांकडून कमी भावात झेंडू खरेदी केला. त्याच फुलांना बाजारात दुप्पट भाव मिळाला. त्यामुळे व्यापाऱ्यांच्या खिशात नफा गेला, तर शेतकऱ्यांच्या पदरी निराशा पडली.शेतकरी काय सांगातात ?चार महिने परिश्रम घेऊन पिकवलेल्या झेंडूला योग्य भाव मिळाला नाही. व्यापाऱ्यांचा फायदा झाला; पण शेतकऱ्यांचा श्रम वाया गेले असल्याचे शेतकऱ्यांनी सांगितले.दसरा सणाला झेंडूची मागणी मोठी असली तरी पावसाचे संकट, मुबलक आवक आणि व्यापाऱ्यांचा फायदा यामुळे शेतकऱ्यांना अपेक्षित भाव मिळाला नाही. बीडमध्ये झेंडूची टवटवीत आवक झाली असली, तरी पावसामुळे भाव घसरले. नांदेडमध्ये मात्र व्यापाऱ्यांचा नफा वाढला आणि शेतकऱ्यांच्या मेहनतीला योग्य मोबदला मिळाला नाही.हे ही वाचा सविस्तर : Zendu Flower Market : दसऱ्याला मिळाला झेंडू फुलांना सोनेरी भाव; जाणून घ्या कसा मिळाला दर

लाईव्ह न्यूज :

दिवाळी विशेष 2025

'देवेंद्र'नीती अन् महायुती

बिहारमध्ये गणित जुळलं

काँग्रेसला 'मनसे' नकोच!

PM मोदींचं पत्र

डोनाल्ड ट्रम्प

Women's World Cup 2025

लोकमत ई-पेपर

शहरं

मनोरंजन

व्हिडीओ

फुलशेतीFOLLOW

Read more

लोकमत शेती : Zendu Flower Market : झेंडूच्या भावाने शेतकऱ्यांची दिवाळी फिक्की केली

लोकमत शेती : Gladiolus Farming : रब्बी हंगामात ग्लॅडिओलसच्या 'या' टॉप 3 जातींची लागवड करा, चांगला नफा कमवा

लोकमत शेती : Zendu Ful : फुलशेतीत झेंडू ठरतोय ग्रामीण अर्थचक्राचं उर्जाफूल; जाणून घ्या सविस्तर

लोकमत शेती : केळी पिकात आंतरपीक म्हणून झेंडूची लागवड, उत्पन्न वाढतंय का, शेतकऱ्यांचा अनुभव काय सांगतो?

लोकमत शेती : Agriculture News : रब्बी हंगामातील फुलझाड लागवडी संदर्भातील प्रशिक्षण, वाचा सविस्तर

लोकमत शेती : कृषी समृद्धी योजनेत फलोत्पादन अंतर्गत 'या' घटकांना अनुदान; कशाला मिळंतय किती अनुदान?

लोकमत शेती : नगरपंचायत कर्मचाऱ्याची यशस्वी फुलशेती; झेंडू अ्न शेवंती चार महिन्यात देतेय लाखोंची कमाई

लोकमत शेती : Zendu Flower Market : अतिवृष्टीतही झेंडूची टवटवीत आवक; मात्र भावात चढ-उतार वाचा सविस्तर

लोकमत शेती : Zendu Flower Market : दसऱ्याला मिळाला झेंडू फुलांना सोनेरी भाव; जाणून घ्या कसा मिळाला दर

लोकमत शेती : सततच्या पावसामुळे झेंडू कुजला तर आवक मंदावली; यंदा दसरा-दिवाळीत कसे राहतील दर?