अपघात मराठी बातम्या | Accident, Latest News & Live Updates in Marathi | Marathi News (ताज्या मराठी बातम्या) at Lokmat.com

गडचिरोली : आरमोरीवरून देसाईगंजकडे निघालेल्या तरुण अभियंत्यास वडसा वनविभाग कार्यालयासमोर अज्ञात वाहनाने धडक दिली.ही धडक एवढी जबर होती की त्याचा उजवा पाय धडावेगळा झाला तर हेल्मेटचाही अक्षरश: भुगा झाला. ही हृदयद्रावक घटना १६ मे रोजी दुपारी ४ वाजता घडली.श्रीकृष्ण राजकुमार वंजारी (२८,रा.पवनी जि.भंडारा) असे त्या दुर्दैवी अभियंत्याचे नाव आहे. चंद्रपूर जिल्ह्यातील ब्रम्हपुरी येथे एका खासगी कंपनीत तो कार्यरत होता. १६ रोजी तो दुचाकीवरुन (एमएच ३६ एएम-७७२१) आरमोरी मार्गे देसाईगंजकडे ४ येत होता. दरम्यान, वडसा वन विभागाच्या उपविभागीय कार्यालयासमोर अज्ञात वाहनाने उजव्या बाजूने जबर धडक दिली. धडक एवढी भीषण होती की हेल्मेटचा भुगा झाला व त्याचा उजवा पाय धडावेगळा झाला. दुचाकीही फरफटत गेली. डोक्यातून मोठ्या प्रमाणात रक्तस्त्राव झाल्याने त्याचा जागीच मृत्यू झाला. अपघातस्थळापासून २५ ते ३० फूट अंतरावर त्याचा मृतदेह आढळला. देसाईगंज पोलिसांनी घटनास्थळी धाव घेतली. पंचनामा करुन मृतदेह उत्तरीय तपासणीसाठी ग्रामीण रुग्णालयात पाठवला. अज्ञात वाहनचालकाचा शोध सुरु आहे.पित्याचा घातपाताचा आरोपश्रीकृष्ण वंजारी याच्या पश्चात आई, वडील, दोन भाऊ, पत्नी, दोन मुली असा परिवार आहे. या घटनेनंतर कुटुंबीयास धक्का बसला आहे. सेवानिवृत्त वडील राजकुमार वंजारी यांनी हा अपघात नसून घातपात असल्याचा संशय व्यक्त केला आहे. सर्व बाजूंनी तपास केला जाईल, असे पोलिस निरीक्षक अजय जगताप यांनी सांगितले.

Accident News in Marathi | अपघात मराठी बातम्याFOLLOW

Accident, Latest Marathi News

डोक्यावर हेल्मेट घालून तसाच उभा असल्याने आणि समोरच्या टँकरची उंची जास्त असल्याने मी वाचलो गेलो ...

महामार्ग प्राधिकरणवर मनुष्यवधाचा गुन्हा दाखल करण्याची मागणी ...

पिकअपने रस्ताशेजारी उभ्या करुन ठेवलेल्या टाटा एस, ट्रक व अशोक लेयलँडच्या इन्सुलेटेड ट्रकला धडक दिली. ...

अचानक आग लागून संपूर्ण बस जळून खाक झाली. ...

होर्डिंगच्या मजबुतीकरणाच्या दाखल्याची मुदत संपली असून त्याचे नुतनीकरणही केले नव्हते ...

देसाईगंज येथील घटना, पित्याचा घातपाताचा आरोप ...