उल्हासनगरात वाढत्या उन्हाचा तडाखा; पाण्याची प्लास्टिक टाकी चक्क झाली ब्लास्ट!

नागरिकांच्या सोयीसाठी बोअरवेल विधुत पंपाजवळ बसाविण्यात आलेली प्लास्टिक टाकी वाढत्या उन्हामुळे फुटल्याचा प्रकार उघड झाला.

उल्हासनगर : कॅम्प नं-४, दहा चाळ नालंदा शाळा येथे नागरिकांच्या सोयीसाठी बोअरवेल विधुत पंपाजवळ बसाविण्यात आलेली प्लास्टिक टाकी वाढत्या उन्हामुळे फुटल्याचा प्रकार उघड झाला. महापालिकेने नागरिकांसाठी नवीन प्लास्टिक टाकी बसविण्याची मागणी होत आहे. 

उल्हासनगर वासियांना पाणी टंचाईच्या झळा बसू नये म्हणून महापालिकेने अनेक ठिकाणी बोअरवेलची सुविधा दिली. तसेच त्याठिकाणी विधुत पाणी मशीन व पाणी साठविण्यासाठी प्लास्टिक टाक्या बसाविण्यात आल्या आहेत. अनेक प्लास्टिक टाकी जुन्या व धोकादायक झाल्या असून त्या जागी नवीन प्लास्टिक टाकी बसाविण्याची मागणी होत आहे. दहा चाळ नालंदा शाळे जवळ अशीच बसाविण्यात आलेली बोअरवेल शेजारील पाण्याची टाकी वाढत्या उन्हामुळे पूर्ण भरल्यानंतर ब्लास्ट झाली. नागरिकांना पाण्याची गैरसोय होऊ नये म्हणून नवीन टाकी बसविण्यात यावी. अशी मागणी स्थानिक नागरिकांनी केल्याची माहिती समाजसेवक प्रशांत चंदनशिव यांनी दिली आहे.