Corona In Thane: ठाणे जिल्ह्यात कोरोनाचे ६११ रुग्ण सापडले; सात जणांचा मृत्यू

ठाणे : जिल्ह्यात शुक्रवारी कोरोनाचे ६११ रुग्ण आढळले आहेत. जिल्ह्यात आता दोन लाख ६३ हजार ६२५ रुग्णांची नोंद झाली. आज सात रुग्णांचा मृत्यू झाला असून जिल्ह्यातील मृतांची संख्या सहा हजार २६३ झाली आहे.  
 
ठाणे शहरात १८५ रुग्ण आढळल्याने येथील रुग्ण संख्या आता ६१ हजार ९३० झाली आहे. शहरात दोन मृत्यू झाल्यामुळे मृत्यूची संख्या एक हजार ३८४ झाली. कल्याण - डोंबिवलीत १७५ रुग्णांची वाढ झाली असून एक मृत्यू आहे. आता ६२ हजार ७८४ रुग्ण बाधीत असून एक हजार १९६ मृत्यूची नोंंद आहे. उल्हासनगरमध्ये १३ रुग्ण सापडले असून एक मृत्यू नाही. येथील बाधितांची संख्या ११ हजार ८१६ झाली आहे. आतापर्यंत ३७२ मृतांची नोंद आहे. भिवंडीला सात बाधीत आढळून आले असून एकही मृत्यू नाही. आता बाधीत सहा हजार ७७६ असून मृतांची संख्या ३५५ आहे. मीरा भाईंदरमध्ये ३८ रुग्ण आढळले असून एक मृत्यू आहे. या शहरात  बाधितांची संख्या २७ हजार ८ असून मृतांची संख्या ८०४ आहे.

अंबरनाथला १२ रुग्ण आढळले असून एकही मृत्यू नाही. येथे बाधीत आठ हजार ७७७.असून मृत्यू ३१५ आहेत. बदलापूरमध्ये ४१ रुग्णांची नोंद झाल्यामुळे बाधीत नऊ हजार ८७२ झाले आहेत. या शहरात एक मृत्यू आहे. आता येथील मृत्यूची संख्या १२७ आहे. ग्रामीणमध्ये २१ रुग्णांची वाढ झाली असून एकही मृत्यू नाही. आता बाधीत १९ हजार ५०९ आणि आतापर्यंत ५९२  मृत्यूची नोंद आहेत.