टेक्नोचा धमाका! बजेट ग्राहकांसाठी अवघ्या ८४९९ रुपयांत लॉन्च केला तगडा स्मार्टफोन

Tecno Pop X Launched: स्मार्टफोन निर्माता कंपनी टेक्नोने त्यांचा नवा स्मार्टफोन टेक्नो पॉप एक्स भारतात लॉन्च केला आहे.

स्मार्टफोन निर्माता कंपनी टेक्नोने त्यांचा नवा स्मार्टफोन टेक्नो पॉप एक्स भारतात लॉन्च केला आहे. हा स्मार्टफोन या आठवड्यात भारतात विक्रीसाठी उपलब्ध होईल. या फोनची किंमत ८ हजार ४९९ रुपये इतकी आहे. त्यामुळे कमी बजेट असलेल्या ग्राहकांसाठी हा फोन चांगला पर्याय ठरू शकतो.

टेक्नो पॉप एक्सची किंमत भारतात ८ हजार ४९९ आहे आणि तो ४ जीबी रॅम आणि ६४ जीबी स्टोरेज कॉन्फिगरेशनमध्ये उपलब्ध आहे. हा स्मार्टफोन चिली ग्रीन आणि फ्लेअर व्हाइट रंगांमध्ये उपलब्ध आहे. हा फोन ६ मार्चपासून ई-कॉमर्स प्लॅटफॉर्म आणि इतर रिटेल चॅनेलद्वारे विक्रीसाठी उपलब्ध असेल. एचडीएफसी बँक कार्डच्या वापरकर्त्यांना या फोनच्या खरेदीवर विशेष सूट मिळणार आहे.

या फोनमध्ये ६.७५-इंचाचा एचडी+ एलसीडी डिस्प्ले आहे. यात ग्राहकांना १३ मेगापिक्सेल कॅमेरा मिळत आहे. सेल्फी आणि व्हिडीओ कॉलिंगसाठी यात ८ मेगापिक्सेलचा कॅमेरा देण्यात आला आहे. टेकनो पॉप एक्समध्ये साइड-माउंटेड फिंगरप्रिंट स्कॅनर आणि ५००० एमएएच बॅटरी आहे.  टेक्नो पॉप एक्सला आयपी ६४ रेटिंगसह येतो. हा फोन ड्युअल-सिम हँडसेट आहे जो अँड्रॉइड १५ वर चालतो.