Paytm वर आता COVID Vaccine slotsची माहिती, मिळणार इंस्टंट अलर्ट

covid vaccine slot finder tool : पेटीएमचे संस्थापक विजय शेखर शर्मा यांनी ट्विटद्वारे माहिती दिली आहे की पेटीएमवर युजर्स आपल्या भागात लसीकरणसाठी नवीन स्लॉट उपलब्ध झाल्यास अलर्ट मिळवू शकतील.

नवी दिल्ली : देशातील सर्वात मोठ्या डिजिटल पेमेंट अ‍ॅप पेटीएमने कोविड लस स्लॉट सर्च करण्यासाठी नवीन टूल Paytm Vaccine Slot Finder लाँच करण्याची घोषणा केली आहे. पेटीएमचे संस्थापक विजय शेखर शर्मा यांनी ट्विटद्वारे माहिती दिली आहे की पेटीएमवर युजर्स आपल्या भागात लसीकरणसाठी नवीन स्लॉट उपलब्ध झाल्यास अलर्ट मिळवू शकतील. (Paytm launches new covid vaccine slot finder tool for instant alert and new vaccination slot)

विजय शेखर शर्मा यांनी गुरुवारी ट्विट केले आहे. यामध्ये म्हटले आहे की, कंपनी कोविड लस स्लॉटसाठी एक नवीन टूल लाँच करत आहे, ज्यामुळे युजर्स स्लॉट पाहू शकतील. तसेच, या टूलच्या माध्यमातून युजर्संना त्यांच्या भागात नवीन स्लॉट उपलब्ध झाल्यास अलर्ट मिळेल. याशिवाय, नवीन स्लॉट ओपन झाल्यास Paytm Chat च्या माध्यमातून रिअल टाईम उपलब्धता आणि अलर्ट सुद्धा युजर्सला मिळेल.

We are launching a new tool for users to find COVID Vaccine slots and set for alerts when new slots open up for their locality. @Paytm checks for availability real-time and alerts users via Paytm Chat when a new slot opens up.https://t.co/WvJa7CRxxO

Pls spread awareness.

— Vijay Shekhar Sharma (@vijayshekhar) May 6, 2021

कंपनी रिअल-टाइममध्ये देशभरात उपलब्ध लस स्लॉटला ट्रॅक करत आहे. Paytm Vaccine Slot Finder द्वारे युजर्स नवीन लस स्लॉट ओपन झाल्यानंतर स्लॉट बुक करू शकतात आणि इंस्टंट अलर्ट मिळवू शकतात, असे पेटीएमचे म्हणणे आहे. दरम्यान, देशभरात कोरोनाच्या दुसऱ्या लाटेमुळे हाहाकार माजला आहे. दिवसेंदिवस कोरोना रुग्णांच्या संख्येत वाढ होत आहे. अशातच लसीकरण मोहिमेवर सरकारने अधिक भर दिला आहे. १ मे पासून देशभरात १८ ते ४४ वयोगटातील नागरिकांसाठी लसीकरण सुरू केले आहे. मात्र, अनेक लसीकरण केंद्रावर लसीचा साठा उपलब्ध नसल्याने पाहायला मिळत आहे.

रशिया भारताला देणार Sputnic-V चे आणखी दीड लाख डोस

सध्या भारतात मोठ्या प्रमाणात कोरोनाबाधितांची नोंद होत आहे. अशा परिस्थितीत देशातील आरोग्य व्यवस्थेवर मोठा ताण पडताना दिसत आहे. दरम्यान, अनेक देशांनी भारताकडे मदतीचा हात पुढे केला आहे. दरम्यान, यापूर्वी भारताचा जुना मित्र समजल्या जाणाऱ्या रशियानंही भारताला मोठ्या प्रमाणात मदत केली होती. तसंच Sputnik-V या लसीचे काही डोस पाठवले होते. आता पुन्हा एकदा रशिया पुढील दोन दिवसांमध्ये Sputnik-V या लसीच्या दीड लाख डोसची दुसरी खेप पाठवणार आहे. याव्यतिरिक्त मे महिन्याच्या अखेरिस हैदराबाद येथील डॉ. रेड्डी लॅबमध्ये तीस लाख डोस येणार आहे. सध्या जून महिन्यापर्यंत ५० लाख आणि जुलै महिन्यापर्यंत Sputnik-V चे एक कोटी डोस भारतात पाठवण्याची तयारी रशियाकडून सुरू आहे.