आता Google वरून करा फोनचा रिचार्ज ; कसं ते जाणून घ्या

By ऑनलाइन लोकमत | Published: February 13, 2020 10:34 AM2020-02-13T10:34:56+5:302020-02-13T11:08:09+5:30

गुगलचा वापर करणाऱ्या युजर्ससाठी एक खूशखबर आहे.

now prepaid users can recharge their mobile from google search | आता Google वरून करा फोनचा रिचार्ज ; कसं ते जाणून घ्या — आता Google वरून करा फोनचा रिचार्ज ; कसं ते जाणून घ्या

ठळक मुद्देगुगलने प्रीपेड युजर्ससाठी सर्चच्या माध्यमातून मोबाईल रिचार्जची सुविधा आणली आहे.गुगलच्या या फीचरच्या मदतीने फक्त युजर्स स्वत: च्याच नाही तर दुसऱ्यांच्या नंबरवरही रिचार्ज करू शकतात. एअरटेल, व्होडाफोन-आयडिया, रिलायन्स जिओ आणि बीएसएनएल यांच्या प्रीपेड प्लॅन्सचा समावेश

नवी दिल्ली - गुगलचा वापर करणाऱ्या युजर्ससाठी एक खूशखबर आहे. गुगलने प्रीपेड युजर्ससाठी सर्चच्या माध्यमातून मोबाईल रिचार्जची सुविधा आणली आहे. गुगलचं हे नवं फीचर युजर्सना अँड्रॉईड फोनवर Google Search चा वापर करताना प्रीपेड मोबाईल प्लॅन्स शोधण्याची, तुलना करण्याची आणि रिचार्ज करण्याची सुविधा देतं. तसेच गुगलच्या या फीचरच्या मदतीने फक्त युजर्स स्वत: च्याच नाही तर दुसऱ्यांच्या नंबरवरही रिचार्ज करू शकतात.

गुगलच्या या फीचरमध्ये एअरटेल, व्होडाफोन-आयडिया, रिलायन्स जिओ आणि बीएसएनएल यांच्या प्रीपेड प्लॅन्सचा समावेश आहे. गुगलच्या या फीचरचा वापर करण्यासाठी युजर्सना आपल्या अँड्रॉईड फोनमध्ये prepaid Mobile recharge, Sim recharge किंवा recharge असे शब्द टाकून सर्च करा. सर्च रिझल्टमध्ये मोबाईल रिचार्ज सेक्शन (Mobile recharge Section) दाखवला जाईल. युजर्सना येथे मोबाईल नंबर, टेलिकॉम ऑपरेटर आणि सर्किल हे पर्याय भरावे लागतील.

सर्चमध्ये विचारण्यात आलेले सर्व माहिती काहींना भरलेली दिसेल. त्यानंतर ब्राऊज प्लॅन्स (Browse Plans) वर क्लिक करा. गुगल त्या टेलिकॉम ऑपरेटरचे सर्व उपलब्ध असलेले प्रीपेड प्लॅन्स दाखवेल. त्यामध्ये युजर्स त्यांच्या आवडीचा रिचार्ज प्लॅन निवडू शकतात. प्लॅन सिलेक्ट केल्यानंतर व्हॅलिड ऑफर्सची एक लिस्ट समोर येईल. त्यानंतर युजर्स ऑफर प्रोव्हायडर्सवर टॅप करू शकतात.

सध्या Freecharge, MobiKwik, Google Pay आणि Paytm सारखे प्रोव्हायडर्स लिस्टेड आहेत. युजर्सनी ट्रान्झेक्शन पूर्ण केल्यानंतर प्रोव्हायजरच्या कन्फर्मेशन पेजवर Back to Google बटण देण्यात आले आहे. त्यावर क्लिक केल्यास युजर्स सर्चवर परत येऊ शकतात. कन्फर्मेशन पेजवर युजर्सना रिचार्जसाठी कस्टमर सपोर्ट इन्फॉर्मेशनचा अ‍ॅक्सेस दिला जातो. काही दिवसांपूर्वी गुगलने Tangi नावाचे अ‍ॅप आणले आहे. त्यामुळे टिकटॉकला तगडा प्रतिस्पर्धी मिळाला आहे. टँगी या अ‍ॅपद्वारे छोटे क्रिएटीव्ह व्हिडीओ अपलोड करता येणार आहेत. यामध्ये युजरना नवीन गोष्टी शिकायला मिळणार असून हे व्हिडीओ मित्रांसोबतही शेअर करता येणार आहेत.

गुगल Tiktok ची 'टांग' खेचणार; छोट्या व्हिडीओंसाठी अ‍ॅप आणले

सध्या वेबसाईट आणि अ‍ॅपल प्लेस्टोअरवर हे अ‍ॅप उपलब्ध आहे. टँगी अ‍ॅप अँड्रॉईडसाठी कधी उपलब्ध केले जाईल याची माहिती देण्यात आलेली नाही. Tangi चा इंटरफेस दिसायला जवळपास पिंटरेस्ट आणि इन्स्टाग्रामसारखाच आहे. यामध्ये एक सर्चबार देण्यात आला आहे. यामध्ये तुम्ही खास विषय सर्च करू शकता. टँगीमध्ये तुम्ही 60 सेकंदापर्यंत व्हिडीओ अपलोड करू शकता. याशिवाय एखाद्या व्हिडीओवर कमेंट टाकण्याचाही पर्याय मिळणार आहे. व्हिडीओ सेव्ह करण्यासाठी तुम्हाला ट्राय इटवर क्लिक करावे लागणार आहे. हे व्हिडीओ पाहण्यासाठी तुम्हाला एक अकाऊंट बनवावे लागणार आहे.