करमाळा : सीईटी व नीट परीक्षेत उत्तीर्ण झालेल्या विद्यार्थ्यांचा करमाळा तालुका पत्रकार संघाच्या वतीने विद्या विकास मंडळाचे सचिव विलास घुमरे यांच्या हस्ते सत्कार करण्यात आला.
यावेळी प्रमुख पाहुणे म्हणून बारामती ॲग्रोचे उपाध्यक्ष सुभाषराव गुळवे यांची प्रमुख उपस्थिती होती. दीपाली मल्हारी, सानिका खटके, जाधव, स्वप्निल बदे, चिन्मय दोशी, दर्शन गुगळे, विश्वजीत सोरटे, प्रथमेश नेटके, प्रशांत रिटे, ओंकार हजारे या गुणवंत विद्यार्थ्यांचा सन्मानचिन्ह आणि कमला देवीची प्रतिमा देऊन सत्कार करण्यात आला.
यावेळी सुभाष गुळवे म्हणाले, यशस्वी विद्यार्थ्यांच्या पाठीवर कौतुकाची थाप टाकण्याचे काम करमाळा तालुका पत्रकार संघाने केले आहे. हे काम कौतुकास्पद आहे. अशा उपक्रमामुळे विद्यार्थ्यांचे मनोबल वाढते.
यावेळी यशस्वी विद्यार्थ्यांनी आपले मनोगत व्यक्त केले. अभार महेश चिवटे यांनी मानले हा कार्यक्रम यशस्वी करण्यासाठी पत्रकार संघाच्या सदस्यांनी परिश्रम घेतले.
---
फोटो : ०४ करमाळा सीईटी
सीईटी आणि नीट उत्तीर्ण विद्यार्थ्यांच्या सत्कारप्रसंगी विलास घुमरे, सुभाष गुळवे, महेश चिवटे.