बार्शी/पांगरी : तालुक्यातील तांदूळवाडी-खामगाव रोडवर आर्यन शुगर्सनजीक तांदूळवाडी हद्दीतील तुकाराम कसबे यांच्या शेतात नागेश रामलिंग गाढवे (वय २४, रा. आझाद चौक, बार्शी) याचा गळा कापून खून झाला. शनिवारी सायंकाळी साडेपाचच्या सुमारास ही घटना घडली. याप्रकरणी पोलिसांनी दिनेश कोरे या संशयितास ताब्यात घेतले आहे. पोलीस सूत्रांच्या माहितीनुसार नागेश रामलिंग गाढवे हा दोन वर्षांपूर्वी बार्शीतील बीआयटी महाविद्यालयामध्ये इंजिनिअरिंगचे शिक्षण घेत होता; मात्र काही कारणांमुळे त्याने शिक्षण बंद केले होते. आज शनिवार, दि. ३१ मे रोजी त्याला मित्रांनी खामगावकडे बोलावून घेतल्याने तो घरातून सकाळी अकराच्या दरम्यान बाहेर पडला होता तर घरच्यांना सायंकाळी आपल्या मुलाचा खून झाल्याची बातमी कळाली. बार्शी-उस्मानाबाद रोडवरुन आर्यन शुगर्स कारखान्याकडे जाणार्या रस्त्यावर सायंकाळी पाच-साडेपाचच्या दरम्यान गाढवे कारखान्याकडून उस्मानाबाद रस्त्याकडे येत असताना समोरुन त्यांचा खून झाला.