काही लोकांना रस्त्यावर विनाकराण मारामारी करण्याची सवय असते. अनेकदा पोलिसांवर झालेले हल्ले आपण पाहिले असतील. पोलिसांनी जर कायद्यासाठी रोखलं तर काहीजण पोलिसांवर हात उगारतात. त्यांच्यावर हल्ला करण्याचा प्रयत्न करतात. सध्या एक असाच व्हिडिओ व्हायरल होत आहे. ज्यात एका तरुणाने सीव्हिल डिफेन्स जवानाची मान पकडुन त्याच्यावर हल्ला करण्याचा प्रयत्न केला. तरुणाने मास्क न लावल्यामुळे या जवानाने त्याला हटकल्यामुळे त्याने हे पाऊल उचलल्याचे म्हटले जात आहे.
सौरभ पाल नावाच्या तरुणाने हा व्हिडिओ फेसबुकव शेअर केला आहे. या व्हिडिओच्या कमेंट सेक्शनमध्ये असे म्हटले आहे की हे पोलिस नसून दिल्ली सिव्हिल डिफेन्सचे जवान आहेत. याला मास्क न लावल्याबद्दल हटकण्यात आले होते. व्हिडिओमध्ये असं दिसतंय की हा तरुण तावातावाने त्या जवानाच्या अंगावर धाऊन गेला आहे. त्याने त्याची मान पकडुन त्याला ढकलले. बाकीचे जवान मध्ये पडले पण तरीही तो तरुण पुन्हा त्या जवानाच्या अंगावर धावुन गेला आणि तोडके रख दुँगा असे शब्द वापरले.
या व्हिडिओला ६ लाखापेक्षा जास्त व्हिव्ज आणि १७ हजार लाईक्स मिळाले आहेत. अनेकजण त्या तरुणावर संताप व्यक्त करत आहेत. काही म्हणत आहेत त्याने याप्रकारे मारहाण करण्याची गरज नव्हती.