"मी साडी नेसलेली होती, त्यात अश्लीलता कुठे होती?", ती तरुणी ढसाढसा रडली, ट्रोलिंगनंतर 'धक-धक' गर्ल काय म्हणाली?

Girl dance controversy: महाराजा सयाजीराव गायकवाड विद्यापीठातील एक व्हिडीओ व्हायरल झाला. त्यावरून विद्यापीठात शिक्षण घेत असलेल्या तरुणीला प्रचंड ट्रोल केलं गेलं. 

MSU Girl Dance controversy: साडी नेसलेली एक तरुणी अभिनेत्री माधुरी दीक्षितच्या प्रसिद्ध धक-धक गाण्यावर डान्स करत असल्याचा व्हिडीओ सोशल मीडियावर व्हायरल झाला. या व्हिडीओमध्ये तरुणी डान्स करत असताना पाठीमागे बॅनर दिसत आहे आणि त्यावर अखिल भारतीय विद्यार्थी परिषद नाव दिसत आहे. त्यावरूनच हा सगळा वाद सुरू झाला. पण, त्यात भरडली गेली, ती तरुणी. तिला इतकं ट्रोल केलं गेलं की, ढसाढसा रडत तिने चुकीचं गाणं निवडल्याबद्दल माफी मागितली. 

महाराजा सयाजीराव गायकवाड विद्यापीठातील कार्यक्रमात डान्स करतानाचा हा व्हिडीओ समोर आला. तो काँग्रेसशी संबंधित संघटनांनी शेअर करताना अखिल भारतीय विद्यार्थी परिषदेला लक्ष्य केले गेले. पण, त्यानंतर तरुणीलाही ट्रोल करण्यास सुरुवात झाली. 

भारतीय राष्ट्रीय विद्यार्थी संघटना आणि काँग्रेसकडून प्रश्न उपस्थित करण्यात आले की, संस्कारी शहरात हा कोणत्या पद्धतीचा कार्यक्रम होत आहे. तरुणीचा डान्स करतानाचा व्हिडीओही शेअर करण्यात आला. 

#LATEST : A female student from MS University has come forward on social media to defend her dance performance at an ABVP campus event, after it was labelled “abhadra” and against “samskar” by Congress and NSUI. The student appeared visibly emotional while sharing her side of the… pic.twitter.com/4d9CrAt81b

— upuknews (@upuknews1) April 13, 2026

तरुणीला अश्रू अनावर, रडतच म्हणाली...

व्हिडीओ व्हायरल झाल्यानंतर तरुणीला ट्रोल केलं जाऊ लागलं. त्यानंतर तिने एक व्हिडीओ शेअर केला, ज्यात ती रडतच बोलत आहे. मला वाटलं नव्हतं की, यावरून इतकं वादंग होईल, असे म्हणत तरुणी ढसाढसा रडली. 

तरुणी म्हणाली की, "मी साडी नेसलेली होती. त्यात कुठेही अश्लीलता नव्हती. हा मी गाणे चुकीचे निवडले होते. त्याबद्दल मी माफी मागते. पण, ज्या पद्धतीने सोशल मिडिया कमेंट्स केल्या जात आहेत, त्यामुळे प्रचंड वेदना होत आहे."

It is disgusting and unacceptable the way this young woman was targeted for merely dancing on a song of her choice on a platform of her choice. Shame on all those who used a young woman’s video to score political points. pic.twitter.com/jWpYXGu0K8

— Rohini Singh (@rohini_sgh) April 13, 2026

तरुणीनेही हेही स्पष्ट केले की, ती एबीव्हीपी किंवा एनएसयूआय यापैकी कोणत्याही संघटनेसोबत काम करत नाही. सोमवारी सकाळपासून हा व्हिडीओ सोशल मीडियावर प्रचंड व्हायरल झाला. त्यानंतर यावरून राजकीय प्रतिक्रिया उमटल्या.