कधीकधी सोशल मीडियावर असा क्षण येतो जो हृदयाला भिडतो. अशाच एका मुलीचा व्हिडीओ सध्या सोशल मीडियावर लोकांना भावुक करत आहे. १२ वर्षांच्या एका मुलीने पहिल्यांदाच तिच्या आईचा आवाज ऐकला आणि एका सेकंदात तिच्या डोळ्यात पाणी आलं. मुलीने तिच्या जन्मानंतर पहिल्यांदाच आईचा आवाज ऐकला होता. या खास क्षणाचा व्हिडीओ लाखो लोकांची मनं जिंकत आहे.
हा व्हिडीओ ब्राझीलमधील एका ऑडिओलॉजी क्लिनिकमधील आहे, जिथे ही मुलगी हियरिंग टेस्टसाठी बसली आहे. डिव्हाइस चालू होताच डॉक्टर विचारतात, "तुला आवाज ऐकू येतोय का?" मुलीच्या डोळ्यांत चमक पाहायला मिळते. तिचा चेहरा आनंदाने फुलतो... समोर बसलेली तिची आई बोलताच, ती मुलगी स्वतःला रोखू शकत नाही. पहिल्यांदाच मुलीला तिच्या आईचा आवाज ऐकून खूप भारी वाटतं.
व्हिडिओनुसार, ही मुलगी लहानपणापासूनच ऐकू शकत नव्हती. जेव्हा तिला पहिल्यांदाच हियरिंग डिव्हाईस लावण्यात आलं तेव्हा तिने आवाज ऐकला. आईचा आवाज ऐकून ती आणखी खूश झाली. तिच्या चेहऱ्यावरील रिएक्शन, आश्चर्य, आनंद आणि भावना सर्व एकाच फ्रेममध्ये कैद झाल्या.
"हे एखाद्या चमत्कारासारखे आहे" असं एका युजरने म्हटलं आहे. तर दुसऱ्याने मुलीचं हसू सर्वकाही सांगतं असं म्हटलं आहे. लोकांनी डॉक्टरांचं देखील भररून कौतुक केलं आहे. हा व्हिडीओ इन्स्टाग्रामवर वेगाने व्हायरल झाला आहे. सोशल मीडियावर याचीच जोरदार चर्चा रंगली आहे.
Web Summary : A 12-year-old girl in Brazil heard her mother's voice for the first time after receiving a hearing device. The emotional moment, captured in a video, shows her overwhelmed with joy and has touched hearts online.
Web Summary : ब्राजील में 12 साल की एक लड़की ने हियरिंग डिवाइस लगवाने के बाद पहली बार अपनी माँ की आवाज़ सुनी। इस भावुक पल का वीडियो सोशल मीडिया पर दिल छू रहा है, जिसमें वह खुशी से सराबोर दिख रही है।