सिंधुदुर्गनगरी : सिंधुदुर्ग जिल्हा प्लास्टिकमुक्त करण्याच्या मोहिमेचा भाग म्हणून यंदाचे प्रसिद्ध यात्रोत्सव ‘पर्यावरणपूरक’ पद्धतीने साजरे करण्याचा निर्णय जिल्हा प्रशासनाने घेतला आहे. दि. ९ फेब्रुवारी रोजी होणारा आंगणेवाडी यात्रोत्सव आणि दि. १५ ते १७ फेब्रुवारी दरम्यान होणारा कुणकेश्वर यात्रोत्सव यावेळी पूर्णपणे ‘सिंगल युज प्लास्टिकमुक्त’ असणार आहे. लाखो भाविकांच्या उपस्थितीत होणारा कचरा रोखण्यासाठी जिल्हा परिषद प्रशासनाने कडक नियमावली तयार केली आहे.
मुख्य कार्यकारी अधिकारी रवींद्र खेबुडकर यांनी यात्रोत्सव काळात स्वच्छतेचे नियोजन करण्यासाठी मालवण आणि देवगडच्या गटविकास अधिकाऱ्यांना विशेष सूचना दिल्या आहेत. यात्रेतील स्टॉलधारकांकडून ‘स्वच्छता कर’ आणि ‘स्वच्छता डिपॉझिट’ आकारले जाणार आहे. जर व्यापाऱ्यांनी आपल्या परिसरातील कचऱ्याचे योग्य व्यवस्थापन केले, तरच ही डिपॉझिट रक्कम परत केली जाईल. अन्यथा, सिंगल युज प्लास्टिक आढळल्यास थेट दंडात्मक कारवाई केली जाणार आहे.
जैविक कचऱ्यासाठी कंपोस्ट खड्डे यात्रोत्सवात मोठ्या प्रमाणात जमा होणाऱ्या ओल्या कचऱ्यासाठी स्थानिक ग्रामपंचायतींच्या माध्यमातून तात्पुरते कंपोस्ट खड्डे तयार करण्यात येणार आहेत. हॉटेल व्यावसायिकांना निळ्या व हिरव्या कचरा पिशव्यांचे वाटप केले जाईल. मंदिर परिसरात ठिकठिकाणी कचरा कुंड्या ठेवण्यात येणार असून सोशल मीडिया आणि बॅनरद्वारे भाविकांमध्ये जनजागृती केली जाणार आहे.
प्रशासनाचे ‘क्लीन’ नियोजन
दंडात्मक अस्त्र: प्लास्टिक बंदी अधिनियमानुसार प्रतिबंधात्मक वस्तू आढळल्यास थेट दंड.
कचरा वर्गीकरण: ओला आणि सुका कचरा गोळा करण्यासाठी स्टॉलधारकांना विशेष पिशव्यांचे वाटप.
स्वच्छता डिपॉझिट: व्यापाऱ्यांनी कचरा व्यवस्थापन केल्यास डिपॉझिट परत मिळणार.
देखरेख: पंचायत समितीच्या माध्यमातून भरारी पथकांचे लक्ष राहणार.
भाविकांसाठी ‘ग्रीन’ प्रोटोकॉल
कापडी पिशव्या: भाविकांनी घरूनच कापडी पिशव्या सोबत आणण्याचे आवाहन.
पर्यायी वस्तू: प्लास्टिक ग्लासेस आणि थर्माकोल ताटांऐवजी कागदी किंवा पत्रावळीचा वापर.
सहभाग: शाळा, मंदिर आणि समुद्रकिनारा स्वच्छता मोहिमेत नागरिकांचा सक्रिय सहभाग.
आवाहन: ‘प्लास्टिकमुक्त यात्रोत्सव’ यशस्वी करण्यासाठी सर्वांनी पुढाकार घेण्याचे प्रशासनाचे विनंती.
Web Summary : Sindhudurg district bans single-use plastic at Anganewadi and Kunkeshwar Yatras. Strict rules, fines for violations, and cleanliness deposits for vendors are in place. Compost pits, waste segregation, and public awareness campaigns are planned to ensure a plastic-free festival. Visitors are encouraged to use cloth bags.
Web Summary : सिंधुदुर्ग जिले ने आंगणेवाडी और कुणकेश्वर यात्राओं में सिंगल-यूज प्लास्टिक पर प्रतिबंध लगाया। उल्लंघन करने पर सख्त नियम, जुर्माना और विक्रेताओं के लिए स्वच्छता जमा राशि लागू की गई है। प्लास्टिक मुक्त त्योहार सुनिश्चित करने के लिए खाद गड्ढे, कचरा पृथक्करण और जन जागरूकता अभियान की योजना बनाई गई है। आगंतुकों को कपड़े के थैले का उपयोग करने के लिए प्रोत्साहित किया जाता है।