मेढा : जावळी तालुक्यातील ७५ पैकी बारा ग्रामपंचायती पूर्णतः, तर २५ अंशतः बिनविरोध झाली आहे. दुदुस्करवाडी ग्रामपंचायतीसाठी एकही अर्ज दाखल झालेला नाही.
तालुक्यातील ७५ ग्रामपंचायतींच्या ५४५ जागांसाठी निवडणूक जाहीर झाली होती. अर्ज मागे घेण्याच्या अंतिम मुदतीत ११६ जणांनी माघार घेतली असून, ३३९ उमेदवार बिनविरोध झाले आहेत.
अर्ज दाखल करण्याच्या शेवटच्या दिवसापर्यंत ७१४ अर्ज दाखल झाले होते. छाननी प्रक्रियेत १७ अर्ज अवैध ठरविण्यात आल्याने ७९७ अर्ज शिल्लक राहिले होते. उमेदवारी अर्ज माघारी घेण्याच्या अंतिम मुदतीत ११६ उमेदवारांनी आपले अर्ज माघारी घेतल्याने १२ ग्रामपंचायती पूर्णतः, तर २५ ग्रामपंचायतींची अंशतः निवडणूक बिनविरोध झाली आहे. आता ३७ ग्रामपंचायतींसाठी २४२ उमेदवार रिंगणात आहेत.
तालुक्यातील कुडाळ, सरताळे, बामणोली तर्फ कुडाळ, बेलावडे, सायगाव, रायगाव, महिगाव या गावातील निवडणूक चुरशीची होणार आहे. कुडाळमध्ये सत्ताधारी वीरेंद्र शिंदे यांच्याविरोधात उपसभापती सौरभ शिंदे या दोन पारंपरिक गटांत लढत होणार आहे. हेमंत शिंदे, संजय शिंदे यांनी आपले पॅनेल उभे केल्यामुळे याठिकाणी तिरंगी लढत पाहायला मिळणार आहे. सरताळेत नवले व पवार या दोन गटातच खरी लढत होणार आहे. सायगाव विभागात दीपक पवार व विद्यमान सभापती जयश्री गिरी यांच्या गटांमध्ये चुरस आहे, तर बामणोली तर्फ कुडाळ या ठिकाणी शिवसेनेचे प्रशांत तरडे यांच्याविरुद्ध गावातील दोन पारंपरिक गट एकवटले आहेत. गावातील वाद मिटवून एकोपा टिकावा, यासाठी तालुक्यातील पश्चिम भागातील बहुतांश ग्रामपंचायतींनी आपली बिनविरोधची परंपरा कायम ठेवून आदर्श निर्माण केला आहे.
कुडाळ, बामणोली तर्फ कुडाळ, सरताळे, बेलावडे, सायगाव, पवारवाडी, रायगाव या ठिकाणी ????????????????
चौकट :
बिनविरोध झालेल्या ग्रामपंचायती
धनकवडी, पिंपरी तर्फ मेढा, करंडी तर्फ मेढा, करंजे, केंजळ, केसकरवाडी, केडंबे, बोंडारवाडी, भूतेघर, आंबेघर तर्फ मेढा, डांगरेघर, मोहाट, म्हाते बुद्रुक, मुकवली, रेंगडेवाडी, वरोशी, गवडी, चोरांबे, दिवदेव, मामुर्डी, आखेगणी, आंबेघर तर्फ कुडाळ, महू, रांजणी, दापवडी, बेलोशी, खर्शी तर्फ कुडाळ, आर्डे, आपटी, कसबे बामणोली, कारगाव, मुनावळे, मौजे शेबडी, उंबरेवाडी, इंदवली तर्फ कुडाळ, करंदी तर्फ कुडाळ.