‘त्या’ अपघात प्रकरणी मृत तरुणावर गुन्हा

सातारा : भरधाव कार चालवून मित्राच्या व स्वतःच्या मृत्यूस कारणीभूत ठरल्याप्रकरणी मृत अनिकेत राजेंद्र कुलकर्णी (वय २३, रा.कदमवाडी, कोल्हापूर) याच्याविरुद्ध सातारा शहर पोलीस ठाण्यात गुन्हा दाखल झाला आहे.

दि. १० रोजी मध्यरात्री जिल्हा न्यायालया शेजारील ओढ्यात तीस फूट कार कोसळून हा भीषण अपघात झाला होता. या अपघातातील जखमी युवक देवराज माळी (रा. जत, जिल्हा सांगली) याने पोलीस ठाण्यात तक्रार दिली आहे. अपघातात अदित्य घाटगे व अनिकेत कुलकर्णी या दोघांचा मृत्यू झाला होता. देवराजसह तिघेजण जेवण करुन जात असताना अनिकेत हा कार चालवत होता. हयगय, अविचार, रस्त्याच्या परिस्थितीकडे दुर्लक्ष करत भरधाव वेगात कार चालवत असल्याने त्याचे कारवरील नियंत्रण सुटले. असे तक्रारीत म्हटले आहे.