जुगार खेळणारे २६ जण ताब्यात
By लोकमत न्यूज नेटवर्क | Published: May 18, 2021 04:41 AM2021-05-18T04:41:45+5:302021-05-18T04:41:45+5:30
पुसेगाव : निढळ येथील घाडगे वस्तीवर असलेल्या अरुण पांडुरंग खुस्पे यांच्या पोल्ट्री फार्ममध्ये जुगार अड्डा चालविला जात होता. याची ...
पुसेगाव : निढळ येथील घाडगे वस्तीवर असलेल्या अरुण पांडुरंग खुस्पे यांच्या पोल्ट्री फार्ममध्ये जुगार अड्डा चालविला जात होता. याची माहिती मिळाल्यावर पोलिसांनी त्याठिकाणी छापा टाकून ३३ लाख ६४ हजार ७७० रुपयांचा मुद्देमाल जप्त केला. याप्रकरणी सव्वीसजणांना ताब्यात घेतले आहे.
पोलिसांनी दिलेल्या माहितीनुसार, निढळ येथील पोल्ट्री फार्मवर नेर येथील विजय सुभाष खवळे व खटाव येथील निखिल सुनील कोकाटे हे तीन पानी जुगार अड्डा चालवत होते. पोलिसांनी रविवारी रात्री टाकलेल्या छाप्यात या अड्ड्यावर २६ जण तीन पानी जुगार खेळताना सापडले. यात काही प्रतिष्ठित व्यक्ती, शिक्षकांचाही समावेश आहे. या छाप्यात ५७ हजार ५०० रुपये रोख, २१ मोबाईल, ७ चारचाकी, ९ दुचाकी व दारूच्या बाटल्या असा सुमारे ३३ लाख ६४ हजार ७७० रुपयांचा मुद्देमाल जप्त करण्यात आला आहे.
पोलिसांनी संजय मारुती दडस (वडगाव, ता. माण), गोरख श्रीपती बोर्गे (रा. खटाव), संतोष किसन शिंदे (रा. ठाकुरकी, फलटण), श्रीकृष्ण चंद्रकांत शिंदे (रा. खटाव), विद्यासागर कृष्णाजी माने (रा. हिंगणे रोड, वडूज), शिवाजी अंकुश इंगळे (रा. वडगाव, ता. माण), गोरख आनंदराव पवार (भाजी मंडई, फलटण), बबलू ठाकूर पंडित (रा. निढळ), अजित हणमंत जाधव (रा. मंगळवार पेठ, फलटण), दत्तात्रय शिवाजी वायदंडे (रा. खटाव), राजेंद्र आनंदराव गोडसे (रा. वडूज), कृष्णा नामदेव जाधव (रा. दहिवडी), राजेंद्र लावंड (रा. उंबरमळे), अक्षय नागेश ननावरे (रा. वडूज), बसवलिंग सिद्धलिंग साखरे (रा. दहिवडी), जगन्नाथ शंकर अवघडे (रा. दहिवडी), हणमंत संपत मदने (रा. निढळ), सुरेश बुवाजी काळे (रा. वडूज), सुनील रामदास साळुंखे (रा. फलटण), सोहेल सलीम शेख (रा. पिपरद), अमोल भानुदास जाधव (रा. नवलेवाडी, ता. माण) व अमोल देवकर (दहिवडी) यांना ताब्यात घेतले आहे.
ही कारवाई पोलीस अधीक्षक अजयकुमार बन्सल यांच्या मार्गदर्शनाखाली अतिरिक्त पोलीस अधीक्षक आंचल दलाल, सहाय्यक पोलीस निरीक्षक चेतन मछले, पोलीस उपनिरीक्षक बाळासाहेब लोंढे, पोलीस कर्मचारी आनंदराव जगताप, सुधीर येवले, सचिन माने, आनंदा गंबरे, सचिन जगताप, पुष्कर जाधव, किरण देशमुख, इम्तियाज मुल्ला यांनी केली.
फोटो
जुगार अड्ड्यावर केलेल्या कारवाईत आलिशान गाड्या जप्त करण्यात आल्या.