ओळ : नागज (ता. कवठेमहांकाळ) येथे संजयकुमार झांबरे यांचा औदुंबर पाटील, नंदिनी देसाई यांच्या हस्ते सत्कार करण्यात आला.
ढालगाव : नागज (ता. कवठेमहांकाळ) येथील आदर्श प्रशालेत मुख्याध्यापक संजयकुमार शहाजी झांबरे यांची मुख्याध्यापक महामंडळाच्या महाराष्ट्र राज्य सहसचिवपदी निवड झाल्याबद्दल ग्रामस्थ व आदर्श प्रशालेच्या वतीने सत्कार करण्यात आला. अध्यक्षस्थानी प्रशालेचे संस्थापक औदुंबर पाटील हाेते. यावेळी सरपंच नंदिनी देसाई व मान्यवर उपस्थित होते.
सरपंच नंदिनी देसाई व औदुंबर पाटील यांच्या हस्ते झांबरे यांचा सत्कार करण्यात आला. याप्रसंगी सहायक शिक्षक मारुती शिंदे, सहायक शिक्षिका हेमलता कानडे यांनी मनोगत व्यक्त केले.
यावेळी झांबरे म्हणाले, तालुका व जिल्हा मुख्याध्यापक कार्यकारिणीत काम करीत असतानाच राज्य महामंडळाच्या चर्चासत्रामध्ये काम करण्याची संधी मिळाली. मिळालेल्या पदाला योग्य प्रकारे न्याय देऊ.
याप्रसंगी ग्राम पंचायत सदस्य तानाजी शिंदे, सचिन शेटे, संदीप माळी, अविनाश सूर्यवंशी, राजकुमार देसाई, राजकुमार पाटील, पुष्पलता पाटील, संताजी घाडगे, मनोहर माळी, कार्तिकस्वामी घेरडे, मुख्याध्यापक बाबासाहेब शिंदे उपस्थित होते. शिवाजी देसाई यांनी सूत्रसंचालन केले. सुनीता शिंदे यांनी आभार मानले.