तासगाव : सावळज (ता. तासगाव) येथील एका ६१ वर्षीय सेवानिवृत्त शिक्षकाला सीबीआय अधिकारी असल्याचे भासवत अटकेची भीती दाखवून ५९ लाख नऊ हजार रुपयांना गंडा घातल्याचा धक्कादायक प्रकार समोर आला आहे. याप्रकरणी अण्णासाहेब बाळगोंडा पाटील (६१, रा. सावळज) यांनी तासगाव पोलिस ठाण्यात गुन्हा दाखल केला आहे.
फिर्यादी अण्णासाहेब पाटील हे त्यांच्या घरी असताना, ८ ते १६ जानेवारी २०२६ या कालावधीत त्यांना अज्ञात व्यक्तींचे व्हॉट्सॲप कॉल आले. संशयित आरोपी अजय पाटील आणि दया नायक यांनी स्वतःला पोलिस आणि सीबीआय अधिकारी असल्याचे भासवले. त्यांनी फिर्यादींना व्हॉट्सॲपवर सीबीआयचा लोगो, सुप्रीम कोर्ट, इन्कम टॅक्स आणि रिझर्व्ह बँक ऑफ इंडियाच्या नावे बनावट पत्रे पाठवून त्यांचा विश्वास संपादन केला.
याप्रकरणी अजय पाटील आणि दया नायक यांच्याविरुद्ध तासगाव पोलिस ठाण्यात भारतीय न्याय संहिता कलम ३१८(४), ३३८, ३(५) आणि माहिती तंत्रज्ञान अधिनियम २००० च्या कलम ६६ (क), ६६ (ड) नुसार गुन्हा दाखल करण्यात आला आहे. पोलिस या प्रकरणाचा अधिक तपास करत असून, नागरिकांनी अशा बनावट कॉल्सना बळी पडू नये, असे आवाहन करण्यात आले आहे.
भीतीपोटी फिर्यादीने संशयिताच्या खात्यावर पाठवले पैसे
आरोपींनी फिर्यादींना व्हॉट्सॲप व्हिडिओ कॉल करून, त्यांना अटक करण्याची भीती दाखवली आणि गंभीर परिणामांची धमकी दिली. या भीतीपोटी फिर्यादीने आरोपींनी सांगितलेल्या बँक खात्यांवर वेळोवेळी एकूण ५९ लाख ९ हजार रुपये पाठवले. फसवणूक झाल्याचे लक्षात आल्यानंतर त्यांनी पोलिसांत धाव घेतली.
Web Summary : A retired teacher from Savlaj, Sangli, lost ₹59 lakh to fraudsters posing as CBI officers. They used fake documents and threats of arrest to extort money. Police have registered a case and are investigating.
Web Summary : सांगली के सावलज में एक सेवानिवृत्त शिक्षक को सीबीआई अधिकारी बताकर ₹59 लाख की ठगी की गई। धोखेबाजों ने गिरफ्तारी की धमकी देकर पैसे वसूले। पुलिस ने मामला दर्ज कर जांच शुरू कर दी है।