सांगली : नवी मुंबईतील एम.जी.एम. मेडिकल कॉलेज, कामोठा येथे मुलाला एमडीएस (ओरल सर्जरी) साठी प्रवेश देतो, असे सांगून सांगलीतील डॉक्टरची १५ लाखांची फसवणूक केल्याचा प्रकार उघडकीस आला आहे. याबाबत डॉ. चंद्रकांत पंडित सगरे (वय ५४, रा. माळी कॉलनी, वारणाली रस्ता, विश्रामबाग) यांनी सांगली शहर पोलिस ठाण्यात फिर्याद दिली आहे. त्यानुसार संशयित राकेशकुमार कापरी (रा. सेक्टर १९ डी, हॉटेल मेगू इनजवळ, मार्केटजवळ, वाशी, नवी मुंबई) याच्याविरुद्ध गुन्हा दाखल झाला आहे.
संशयित राकेशकुमार कापरी (पूर्ण नाव माहीत नाही.) याची आणि डॉ. सगरे यांची एप्रिल २०२४मध्ये ओळख झाली होती. तेव्हा कापरी याने नवी मुंबई येथील एम.जी.एम. मेडिकल कॉलेजमध्ये डॉ. सगरे यांचा मुलगा निनाद सगरे याला एमडीएस (ओरल सर्जरी)ला १५ लाख रुपये भरून प्रवेश मिळवून देतो, असे सांगितले.
डॉ. सगरे यांनी त्याच्या बोलण्यावर विश्वास ठेवून मे २०२४ ते ऑगस्ट २०२४ पर्यंत कापरी याने सांगितल्याप्रमाणे त्याच्या खात्यावर रक्कम पाठवली. मात्र, त्यानंतर निनाद याला ‘एमडीएस’साठी प्रवेश मिळवून दिला नाही. त्यामुळे डॉ. सगरे यांनी त्याच्याकडे दिलेले १५ लाख रुपये परत मागितले. मात्र, वेळोवेळी कापरी याने टोलवाटोलवी केली.
डॉ. सगरे यांना आपली फसवणूक झाल्याचे लक्षात आले. अखेर डॉ. सगरे यांनी सांगली शहर पोलिस ठाण्यात फिर्याद दिली. त्यानुसार कापरी याच्याविरुद्ध फसवणुकीचा गुन्हा दाखल करण्यात आला आहे.
Web Summary : A Navi Mumbai resident allegedly cheated a Sangli doctor of ₹15 lakhs by promising his son an MDS seat at MGM Medical College. Police have registered a case against the accused, Rakesh Kumar Kapri, for fraud after he failed to secure the admission and refused to return the money.
Web Summary : नवी मुंबई के एक व्यक्ति पर सांगली के एक डॉक्टर को मेडिकल कॉलेज में दाखिला दिलाने के नाम पर ₹15 लाख की ठगी करने का आरोप है। पुलिस ने आरोपी राकेश कुमार कापरी के खिलाफ मामला दर्ज किया है, जिसने दाखिला नहीं कराया और पैसे वापस करने से इनकार कर दिया।