शहरात आज पाणी नाही

पर्वती जलशुद्धीकरण केंद्रासह लष्कर, वडगाव, वारजे, एसएनडीटी आणि नवीन होळकर या सर्व जलकेंद्रांतील अत्यावश्यक विद्युत आणि

पुणे : पर्वती जलशुद्धीकरण केंद्रासह लष्कर, वडगाव, वारजे, एसएनडीटी आणि नवीन होळकर या सर्व जलकेंद्रांतील अत्यावश्यक विद्युत आणि तातडीची स्थापत्यविषयक कामे करण्यात येणार असल्याने गुरुवारी (दि. १२) संपूर्ण शहराचा पाणीपुरवठा बंद ठेवण्यात येणार आहे. शुक्रवारी सकाळी उशिरा आणि कमी दाबाने पाणीपुरवठा सुरळीत करण्यात येणार असल्याचे पाणीपुरवठा विभागाकडून कळविण्यात आले आहे. पाणीपुरवठा बंद असणारा भाग : पर्वती जलकेंद्र- शहरातील सर्व पेठा, दत्तवाडी परिसर, राजेंद्रनगर, लोकमान्यनगर, डेक्कन परिसर, शिवाजीनगर परिसर, पर्वती दर्शन, मुकुंदनगर, पर्वती गाव, सहकारनगर, सातारा रस्ता, पद्मावती, बिबवेवाडी, तळजाई, धनकवडी, कात्रज, इंदिरानगर परिसर, कर्वे रस्ता, एसएनडीटी परिसर, एरंडवणा, संपूर्ण कोथरूड परिसर, डहाणूकर कॉलनी, विधी महाविद्यालय रस्ता, सेमिनरी झोनवरील मिठानगर, संपूर्ण कोंढवा परिसर. वडगाव जलकेंद्र - हिंगणे, आनंदनगर, वडगाव, धायरी, आंबेगाव पठार, दत्तनगर, भारती विद्यापीठ परिसर, संतोषनगर, कोंढवा खुर्द परिसर. वारजे/ एसएनडीटी जलकेंद्र - पाषाण, औंध, खडकी, चतु:श्रृंगी परिसर, गोखलेनगर, जनवाडी, रेंज हिल्स, बावधन, चांदणी चौक, किष्किंधानगर, रामबाग कॉलनी, डावी-उजवी भुसारी कॉलनी, महात्मा सोसायटी परिसर, पुणे विद्यापीठ परिसर, वारजे, माळवाडी, हायवे परिसर, रामनगर, अहिरेगाव, पॉप्युलरनगर, अतुलनगर, शाहू कॉलनी, औंध, बावधन, सूस परिसर. नवीन होळकर जलकेंद्र- संपूर्ण नगर रस्ता परिसर, विमाननगर, विद्यानगर, लोहगाव, धानोरी, कळस, विश्रांतवाडी, खडकी परिसर.(प्रतिनिधी)